Экс-форвард зборнай Беларусі па футболе Вячаслаў Глеб паразважаў, як магла б выглядаць наша нацыянальная каманда, калі б трапіла на ЧС-2026, піша Football.by.
«Не ведаю, як зборная выглядала б на чэмпіянаце свету. Напэўна, прыгожа. Форму б новую зрабілі. Што да гульні, то зусім іншыя гадзінныя паясы, спёка — усё гэта тое, да чаго мы не прывыклі.
Цяперашняя зборная — гэта нават не тая, што была ў нядаўнім мінулым. Так, на чэмпіянаце свету былі няскладаныя групы, але для нас любая была б цяжкай. Ну, можа, з Кюрасаа б і пазмагаліся толькі. Магчыма, нават перамаглі б.
Нашы гульцы выглядаюць слаба ў працы з мячом, у хуткасці прыняцця рашэнняў — тут мы адстаём практычна ад усіх. У «фізіцы» не думаю, што мы камусьці моцна саступілі б», — сказаў Глеб.
Зборная Кюрасаа на чэмпіянаце свету прайграла Германіі 1:7 і Кот д'Івуару 0:2 і згуляла ўнічыю з Эквадорам 0:0. Не набралі ніводнага балу ў групавым турніры Туніс, Гаіці, Ірак, Іарданія, Панама і Узбекістан. Усяго ўдзел у мундыялі бралі 48 зборных пры 211 членах ФІФА.
Зборная Беларусі ніколі ў сваёй гісторыі не прабівалася на чэмпіянаты свету ці Еўропы. Наступная спроба будзе ў 2027 годзе, калі будзе адборачны турнір да Еўра-2028. Лёсаванне адбудзецца ў снежні.
Цяпер чытаюць
Той самы масажыст расказаў, навошта здымаў голых кліентак11
Каментары