Сын спявачкі Галіны Шышковай і былой зоркі тэлебачання Ягора Хрусталёва пайшоў працаваць на БТ
Сёлета Іван Хрусталёў скончыў журфак БДУ. Чатыры гады таму ён казаў, што плануе займацца кіно, а не журналістыкай, але ж цяпер хлопца можна пабачыць у эфіры «Беларусь 2».
Бацькі ў Івана зорныя. Яшчэ ў студэнцкія гады Ягор Хрусталёў стаў вядоўцам першага беларускага ток-шоу — кажуць, праграму «Карамболь» распрацавалі спецыяльна пад яго.
У 1997‑м Хрусталёва называлі сэкс-сімвалам. Пазней вядоўца перайшоў на АНТ, дзе быў тварам праграмы «Выбар».
Будучы ў шлюбе, Хрусталёў закруціў раман са спявачкай Галінай Шышковай. Неўзабаве ў пары з'явіўся сын Ваня. Вядучы прызнаў дзіця, але з афіцыйнай сям'і не пайшоў. Рамантычныя адносіны з Галінай на гэтым скончыліся.
У 2022 годзе Іван Хрусталёў паступіў на журфак БДУ (набраў 381 бал з 500 магчымых). Тады ж СМІ пісалі, што хлопец у будучыні плануе займацца кіно, а не журналістыкай.
Нядаўна Іван Хрусталёў скончыў журфак БДУ — на ўрачыстае ўручэнне дыпломаў прыйшлі яго тата і мама.
А працаваць Іван у выніку пайшоў на БТ — ужо можна было пабачыць на «Беларусь 2» яго рэпартажы з розных айчынных прадпрыемстваў. Ён таксама быў рэпарцёрам на святочных мерапрыемствах 9 Мая і 3 Ліпеня.
Галіна Шышкова з захапленнем дэманструе ўрыўкі сюжэтаў. Кажа, сама глядзіць, затаіўшы дыханне. Але трохі крыўдуе, што Іван ёй нічога не распавядаў пра сваю працу: «Уяўляеце, з сыночкам жыву, а сыночак мне нічога не паказваў, нічога не расказваў, што ён такое рабіў».
Дарэчы, сястра Івана — старэйшая дачка Ягора Хрусталёва Марыя — таксама працуе на БТ тэлевядучай і рэдактаркай. Летась брат з сястрой разам былі вядучымі цырымоніі адкрыцця міжнароднага кінафестывалю «Лістапад».
Каментары