Мінчук вынайшаў спосаб рэгулярна карыстацца каршэрынгавамі «Тэсламі» задарма
У міліцыю звярнулася служба бяспекі адной са сталічных кампаній каршэрынгу, паведаміўшы пра незаконнае выкарыстанне іх электрамабіля. Сілавікі хутка ўстанавілі асобу падазраванага — ім аказаўся 38‑гадовы начальнік аддзела аднаго з мінскіх прадпрыемстваў.
Высветлілася, што мужчына рэгулярна карыстаўся каршэрынгам і аддаваў перавагу аўтамабілям Tesla. Калі ж у яго ўзніклі фінансавыя цяжкасці, то вырашыў выкарыстаць свае веды ў праграмаванні, каб надалей ездзіць без аплаты.
З дапамогай спецыяльных маніпуляцый праз мабільную праграму ён атрымаў доступ да электрамабіля і мог карыстацца ім без спісання грошай. Падчас адной з такіх паездак ён нават з’ездзіў на Tesla да бацькоў у Маладзечанскі раён.
Паводле інфармацыі сілавікоў, мужчына рабіў гэта неаднаразова і з рознымі машынамі. Па факце здарэння распачалі крымінальную справу.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі14
Каментары