Фэйл запаснога кіпера Бельгіі пахаваў каманду. Куртуа можна было не мяняць
Зборная Бельгіі амаль звяла ўнічыю асноўны час гульні супраць Іспаніі і гатова была перавесці гульню ў дадатковы час. Аднак гэтым надзеям перашкодзіла грубая памылка брамніка «МанЮнайтэд» Сене Ламенса, што выйшаў на замену Цібо Куртуа.
На 88‑й хвіліне Паў Кубарсі прабіў з-за межаў штрафной пляцоўкі. Мяч ляцеў проста ў рукі галкіперу, але той не здолеў яго зафіксаваць.
У выніку Мікель Мерына, што выйшаў дзвюма хвілінамі раней на замену, апынуўся першым на дабіванні з лініі брамніцкай і адправіў мяч у сетку, нагадвае хаду падзей Sports.ru.
Сам удар цэнтральнага абаронцы не выглядаў небяспечным, і ў такім эпізодзе ад брамніка чакаюць упэўненай гульні, асабліва ў чвэрцьфінале чэмпіянату свету. Здавалася, Ламенс кантраляваў сітуацыю, але не справіўся.
Праблема была яшчэ і ў тым, што ў гэты момант у варотах Бельгіі знаходзіўся дэбютант. Для Сене Ламенса гэта былі ўсяго 17‑я хвіліна на полі на чэмпіянаце свету.
Асноўны брамнік Цібо Куртуа на 66‑й хвіліне адчуў дыскамфорт у сцягне, паспрабаваў аднавіцца падчас паўзы на вадапой, але на 71‑й хвіліне трэнер усё ж вырашыў яго замяніць. Куртуа пакідаў поле са слязьмі на вачах.
Партнёры, трэнеры і запасныя гульцы падтрымалі легендарнага галкіпера, а на лаўцы запасных яму аказалі медыцынскую дапамогу.
Пасля матча Куртуа ў эфіры DAZN прызнаўся, што сур'ёзнай траўмы не было і ён мог працягваць гульню.
«Чатырохгаловая мышца сцягна вельмі балела, але я мог заставацца на браме. Цяжка было б толькі далёка выбіваць мяч — не змог бы пасылаць яго на 80 метраў. Трэнер вырашыў мяне замяніць, бо лічыў, што калі гулец не гатовы на сто працэнтаў, лепш выпусціць замену. Гэта не праблема — усё дзеля каманды».
Галоўны трэнер зборнай Бельгіі Рудзі Гарсія пасля сустрэчы патлумачыў сваё рашэнне:
«У такім матчы футбаліст павінен быць гатовы на сто працэнтаў. З самага пачатку чэмпіянату свету я прыняў правіла не выкарыстоўваць гульцоў, якія не знаходзяцца ў аптымальнай форме. Цібо выдатна гуляў і сваімі перадачамі дапамагаў нам выходзіць у атаку. Але для нас было важна не пагоршыць яго траўму. Таму я не шкадую пра гэтае рашэнне».
Адказваючы на пытанне пра магчымыя перспектывы кар'еры Куртуа, Гарсія дадаў:
«Яшчэ не абмяркоўваў гэта з Цібо. Пакуль вядома толькі тое, што ён атрымаў цяглічную траўму і не змог дагуляць матч. За апошнія паўтара года ў яго было нямала падобных праблем. Страта такога брамніка — вялікі ўдар, бо ён адзін з найлепшых у свеце. Але ўзрост таксама нельга ігнараваць: калі траўмы здараюцца ўсё часцей і перашкаджаюць падтрымліваць аптымальную форму, гэта становіцца сур'ёзнай праблемай».
У выніку Куртуа пакінуў поле, хоць, паводле яго ўласных слоў, мог працягваць матч.
У выніку Куртуа ў матчы супраць іспанцаў пакінуў поле на завяршальнай стадыі сустрэчы, хоць, як пазней высветлілася, мог застацца ў варотах.
Ламенсу давялося экстрана выходзіць на поле ў самы адказны момант. І ён не вытрымаў ціску. Так, яму ўдалося зрабіць два сэйвы, але напрыканцы сустрэчы ён выпусціў мяч з рук.
Адразу пасля гэтага рэжысёры трансляцыі паказалі Куртуа. Больш за тое, ён павярнуўся проста ў камеру. Выраз яго твару сказаў больш за любыя словы.
Пасля фінальнага свістка ён таксама стаў на абарону свайго маладога партнёра: «Поле было вельмі сухім, і гэта паўплывала на адскок мяча — яму проста не пашанцавала. Не трэба вінаваціць хлопца. Гэта выдатны брамнік, ён выступае за «Манчэстэр Юнайтэд» і яшчэ не раз пакажа свой высокі ўзровень. Вельмі шкада, што так здарылася. Але такі ўжо футбол».
Сёння на чэмпіянаце свету два заключныя чвэрцьфіналы: роўна а 00:00 Англія — Нарвегія, а 4‑й раніцы Аргенціна — Швейцарыя.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі1
Каментары
П.с. Топавы матч пад беларускамоўнае каментаванне ад Баранава выдатна аздобіў вечар. Дзякуй Паўлу, ён - няўрымслівы рухавік (с), які робіць міжнародны футбол і беларускім таксама.