У Лошыцкім сядзібна-паркавым комплексе з’явілася новая алея «Усё пачынаецца з любові». Яе ўпрыгожылі 15 незвычайных лавак, створаных прадпрыемствамі і арганізацыямі Ленінскага раёна, пішуць «Мінск-Навіны».
Кожная з лавак выканана ва ўласнай стылістыцы. Тут можна пабачыць як класічныя драўляныя лаўкі, так і сучасныя арт-аб’екты.
Адной з незвычайных стала праца прадпрыемства Remondis. Замест звыклых ножак і спінкі тут выкарыстана дэкаратыўная каменная муроўка, якая ператварыла звычайную лаўку ў мастацкую інсталяцыю.
«Рэмаўтадар» прапанаваў практычную канструкцыю з дахам, якая дазволіць схавацца як ад гарачага сонца, так і ад дажджу.
Прадпрыемства «Зелянбуд Ленінскага раёна» вырабіла разную драўляную лаўку, упрыгожаную фігурай маладой беларускі з дзіцем на руках.
Адна з лавак прысвечана героям вызвалення Мінска падчас аперацыі «Баграціён». На лаўцы размешчана невялікая кніга з інфармацыяй пра ўдзельнікаў аперацыі, якая дазваляе наведвальнікам азнаёміцца з іх імёнамі і подзвігамі.
А супрацоўнікі ЖЭУ № 2 распісалі сваю лаўку ўручную. На спінцы з’явіліся пажаданні адпачывальнікам, а таксама аўтографы аўтараў праекта.
Незвычайны арт-аб’ект прадставіў мінскі мотавелазавод. Лаўка ўсталяваная на ўзвышэнні з лесвіцай, таму адпачываць можна як на самім сядзенні, так і на шырокіх прыступках. Кампазіцыю дапаўняюць веласіпедныя колы, руль і фірмовы лагатып «Бусел».
Незвычайным рашэннем стала і лаўка-гайдалка.
Прадпрыемства «ЖКГ Ленінскага раёна» выставіла лаўку «Мазаіка». Яе сядзенне выканана з рознакаляровых фрагментаў мазаікі, якія складаюцца ў выяву раёна, на спінцы таксама месціцца панарамная фатаграфія Ленінскага з вышыні.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары