«Птушак амаль усіх з'елі». Лісы тэрарызуюць вёску пад самым Мінскам
Мясцовыя жыхары кажуць, што за доўгія гады ўпершыню сутыкнуліся з настолькі дзёрзкімі набегамі дзікіх жывёл. Рудыя драпежніцы ўсё часцей выходзяць да людзей. Іх рэгулярна заўважаюць у гарадах, а ў вёсках яны і зусім адчуваюць сябе гаспадарамі, піша Tochka.by.
Гэтым разам звяры аблюбавалі вёску Зацань, размешчаную адразу за Мінскай кальцавой. Пра лісіныя набегі ў Threads расказала мясцовая жыхарка.
Паводле яе слоў, у вёсцы ўжо каля месяца адбываецца сапраўдны бандыцкі вэрхал.
«Лісы па начах крадуць курачак і трусоў (а курачак тут трымаюць многія). Кожную ноч па 10—20 птушак знікаюць ад гэтых рудых! Птушак амаль усіх з'елі. Жыхары ў паніцы, думаем звяртацца ў службы. Колькі гадоў жывём, такога тут яшчэ не было», — эмацыйна напісала жанчына.
У пацверджанне сваіх слоў аўтарка паста апублікавала відэа з камеры назірання.
Видео: yuliyachern / Threads pic.twitter.com/dCz0lkrXdT
На кадрах бачна, як ліса са здабычай у пашчы імкліва бяжыць па дарозе. Мяркуючы па ўсім, драпежніца кіруецца ў бок лесу з чарговым трафеем.
Пад публікацыяй беларусы ў першую чаргу параілі не зацягваць са зваротам у профільныя службы.
«Звяртайцеся ў мясцовы лясгас, няхай паляўніцтвазнавец вырашае пытанне. Акрамя непасрэднай матэрыяльнай шкоды, лісы — пераносчыкі шаленства. Цапне гаспадаровага сабаку, коціка ці козачку — і прывітанне будзе ўсім», — адзначыла адна з удзельніц абмеркавання.
Яе асцярогі не беспадстаўныя. Лісы сапраўды лічацца аднымі з галоўных пераносчыкаў шаленства — захворвання, якое паражае нервовую сістэму і без своечасовай медыцынскай дапамогі прыводзіць да гібелі.
Цяпер чытаюць
У сталіцы здаецца студыя плошчай 15 метраў. А што, ужо і такія бываюць?1
У сталіцы здаецца студыя плошчай 15 метраў. А што, ужо і такія бываюць?
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары