Частку маёмасці Гомельскага вінаробчага завода выставілі на аўкцыён праз цяжкае фінансавае становішча прадпрыемства.
На продаж выставілі адміністрацыйна-бытавы корпус у Рэчыцы, асфальтаваную пляцоўку перад ім, а таксама шэраг інжынернага абсталявання, у тым ліку ацяпляльны кацёл, цеплаабменнік, кандыцыянеры, цеплалічыльнікі і кабельную лінію. Разам з гэтым прадаюцца правы пастаяннага карыстання двума зямельнымі ўчасткамі агульнай плошчай каля 4,16 гектара. Пачатковы кошт лота складае 164 439 рублёў.
Паводле фінансавых паказчыкаў, у 2025 годзе выручка завода скарацілася больш чым утрая — з 17,5 да менш як 5,5 мільёна рублёў. Адначасова чыстыя страты павялічыліся з 2,4 да 2,7 мільёна рублёў. Праз запазычанасць па падатках і ўзносах у Фонд сацыяльнай абароны насельніцтва на маёмасць прадпрыемства былі накладзеныя абмежаванні на рэгістрацыйныя дзеянні.
Гэта ўжо не першая спроба прадпрыемства прадаць свае актывы. Раней на аўкцыён ужо выстаўляліся іншыя аб'екты нерухомасці і вытворчае абсталяванне, аднак істотна палепшыць фінансавае становішча завода гэта не дапамагло.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары