Зяленскі прапанаваў новую пасаду былому міністру абароны, але той адмовіўся
Прэзідэнт Украіны прапанаваў Міхаілу Фёдараву стаць сваім дарадцам. Пра гэта апошні заявіў сёння падчас брыфінгу, піша РБК-Украіна.
«Зяленскі прапаноўваў мне застацца яго дарадцам, але я адмовіўся», — сказаў Фёдараў.
Сёння Міхаіл Фёдараў правёў брыфінг для СМІ, на якім расказаў пра сваю працу на пасадзе міністра абароны і планы ведамства. Таксама ён пракаментаваў чуткі пра сваё адхіленне ад пасады, з-за якіх сёння ва Украіне адбыліся шматлікія мітынгі.
Паводле яго слоў, ён ужо правёў тэлефонную размову з прэзідэнтам, а пазней на сёння ў яго запланаваная яшчэ адна сустрэча з Уладзімірам Зяленскім.
«Людзі выйшлі не за Фёдарава, а за сябе. Зараз гаворка не пра мяне. Гаворка ідзе пра корань праблемы, якую трэба вырашыць. У такой канструкцыі перамагчы немагчыма», — пракаментаваў ён сённяшнія пратэсты ў краіне, калі людзі ў розных гарадах выйшлі ў яго падтрымку.
Пасля адстаўкі Фёдарава з пасады аб звальненні таксама заявіў намеснік камандуючага Паветранымі сіламі Украіны Павел Елізараў. Ён назваў рашэнне аб адхіленні Фёдарава «абсалютным злом» для краіны.
У Еўрапейскім саюзе таксама запатрабавалі ад Зяленскага тлумачэнняў наконт адстаўкі Фёдарава. У прыватнасці, еўракамісар па пытаннях абароны Андрус Кубілюс заявіў, што Фёдараў адпавядае гэтай пасадзе.
Каментары
Срач?? Гэта як дакладна але стрымана
Фёдараў адказал
Гаворка ідзе пра корань праблемы, якую трэба вырашыць. У такой канструкцыі немагчыма перамагчы
У чым " корань" і чыя канструкцыя прозвішча вядома .
Незразумела як гэтага " корня" прывесці да цямы ці выдаліць.
Па іншаму дакладна " у падобнай канструкцыі Перамога немагчыма" ..
PS
Ні патрэбна рабіць нам з яго хероя за апошнія 7 гадоў у " цыфравіка" шмат ёсць у шафе
Дзля Беларусі беларусаў падобныя падзеі в Украіне і па вялікаму рахунку Вайна толькі апасродкавана уплывае на будучыя змены в Беларусі...
І вось дзіўным чынам на Алімпе з'явіўся чалавек, які паказаў, даказаў і заявіў ўголас пра "корань праблемы".