Папярэдне, у іх з бацькам абарваўся страховачны трос.
Паводле даных Mash, 40‑гадовы Раман з 11‑гадовым сынам Платонам — з Данецка, але апошнія гады жылі ў пасёлку Стаўрапольскага краю.
У мінулым годзе яны ўжо паднімаліся на Эльбрус на заходнюю вяршыню. Не дайшлі 300 метраў, бо дзіцяці стала дрэнна. Тым не менш на станцыі Гарабашы яны паднялі сцяг школы, дзе вучыўся хлопчык. Пасля чаго атрымалі падзяку ад кіраўніцтва адукацыйнай установы.
Гэтым разам яны таксама ішлі некалькі дзён. Дабраліся да цэлі і пачалі спускацца — у гэты момант, па папярэдніх даных, у іх абарваўся страховачны трос.
Хлопчык памёр ад атрыманых траўмаў, а мужчына паламаў рэбры і калені, але змог выклікаць дапамогу.
Паводле «Базы», няшчасны выпадак адбыўся на ўсходнім схіле гары. Пасля зрыву бацька і сын знаходзяцца на вышыні каля 4 200 метраў.
На месца ўжо адправіліся ратавальнікі — пацярпеламу патрабуецца тэрміновая эвакуацыя і шпіталізацыя.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары