Трамп стаў героем мемаў пасля чэмпіёнскага фота зборнай Іспаніі
«Той самы чувак, якога ніхто не запрашаў», — жартуюць з фота.
Прэзідэнт ЗША Дональд Трамп пасля фіналу чэмпіянату свету ўручыў футбалістам зборнай Іспаніі трафей і далучыўся да цырымоніі ўзнагароджання. Аднак найбольшую ўвагу прыцягнула тое, што Трамп не пакінуў поле, а застаўся побач з футбалістамі падчас іх святкавання.
Калі гульцы збіраліся для традыцыйнага чэмпіёнскага фота, прэзідэнт ЗША працягваў пазіраваць разам з камандай. Прэзідэнту FIFA Джані Інфанціна давялося падысці і жэстам паказаць Трампу, што яму варта адысці, каб іспанскія футбалісты маглі паўнавартасна адсвяткаваць сваю перамогу.
Гэтыя кадры хутка разышліся па сацыяльных сетках. Людзі пачалі жартаваць, што Трамп «стаў гульцом зборнай Іспаніі», «выйграў чэмпіянат свету» або проста «змагаўся за месца ў цэнтры кадра». «Той самы чувак, якога ніхто не запрашаў», — іранізуюць іншыя. Некаторыя параўноўваюць яго са свякрухай, якая без запрашэння далучылася да фота маладзёнаў на вяселлі.
Trump standing next to Spain in the ceremony pic.twitter.com/RIloqKBOv1
Подпіс на здымку: «Хлопец сур'ёзна думае, што ён частка зборнай».
Trump trying to stand next to Spain to he in the photo pic.twitter.com/GeYjcxNc41
Подпіс: «Той самы чувак, якога ніхто не запрашаў».
Адзін з карыстальнікаў пажартаваў, што пасля перамогі Іспаніі Кубак свету нібыта адправяць у Авальны кабінет — «паводле правілаў краіны-гаспадыні».
Now that Spain has officially won the World Cup, we can all celebrate the real star President Trump, as the trophy is on its way to be displayed proudly in the Oval Office, as per the rules which dictate the prize goes to the palace of the hosting country. pic.twitter.com/PMTNtltanz
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
І Лукашэнка да Колі на сцэну вылез, на атрыманне дыплома ў Кітае.