Легендарная венгерская шахматыстка Юдзіт Полгар адмовілася ад прапановы прэм'ер-міністра Петэра Мадзьяра балатавацца на пасаду прэзідэнта краіны, піша Euronews.
Полгар заявіла, што не гатовая ўзяць на сябе адказнасць за аб'яднанне грамадства, якое застаецца глыбока падзеленым. Пра тое, што шахматыстка адхіліла прапанову прэм'ер-міністра, паведаміў сам Петэр Мадзьяр.
«Я не адчуваю ў сабе сіл узяць на сябе гістарычную адказнасць за аб'яднанне падзеленай нацыі, таму не магу прыняць гэтае запрашэнне», — напісала яна ў сацыяльных сетках, падзякаваўшы за давер.
Мадзьяр прызнаў, што паспяшаўся з публічным абвяшчэннем яе кандыдатуры, не дачакаўшыся канчатковага рашэння шахматысткі. Нягледзячы на адмову, ён падкрэсліў, што і надалей высока цэніць спартсменку і спадзяецца на яе ўдзел у развіцці краіны ў іншай ролі.
Юдзіт Полгар лічыцца наймацнейшай шахматысткай у гісторыі.
Яна адзіная жанчына, якой удалося ўвайсці ў першую дзясятку сусветнага рэйтынгу сярод мужчын, а таксама першай сярод жанчын пераадолець мяжу ў 2700 пунктаў рэйтынгу Elo.
За сваю кар'еру яна перамагала многіх наймацнейшых шахматыстаў свету, у тым ліку Гары Каспарава і Барыса Спаскага.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Лучше пусть президентами будут такие люди, как Полгар, которые не хотят потерять репутацию, и которым есть куда уйти с должности, чем колхозники.