Усё пачалося са званка ў месенджары нібыта ад сартавальнага цэнтра «Белпошты»: жанчыне паведамілі пра заказны ліст з падатковай і папрасілі назваць код з SMS.
Затым ёй патэлефанаваў лжэ-супрацоўнік цэнтра кібербяспекі. Ён заявіў, што ад яе імя ажыццяўляюцца пераводы грошай за мяжу (на суму 10 тысяч рублёў), і для вырашэння праблемы трэба выконваць указанні «юрыста Нацыянальнага банка». Тая запатрабавала падпісаць заяву аб неразгалошванні інфармацыі, паведамляе «Міліцыя Мінска».
Пасля адбыўся відэазванок ад лжэ-праваахоўніка. Ён прыгразіў ператрусам і канфіскацыяй зберажэнняў, прапанаваўшы «бяспечны» варыянт — задэклараваць грошы і перадаць іх на экспертызу.
Муж жанчыны таксама паверыў у гэтую гісторыю. Пара сабрала ўсе сямейныя зберажэнні — 60 тысяч рублёў у эквіваленце — і адвезла наяўныя ў Мінск, дзе перадала іх кур'еру каля аднаго са сталічных храмаў.
Падман раскрыўся, калі муж і жонка расказалі пра здарэнне дачцэ. Яна адразу зразумела, што гэта махлярства, пра якое неаднаразова чула з медый.
Аператыўнікі ўстанавілі асобу кур'ера. Ім аказаўся жыхар суседняй дзяржавы, які вывез грошы і перадаў іх пасярэдніку.
Цяпер чытаюць
Былога беларускага палітвязня судзяць у Літве за падрыхтоўку да забойства праціўнікаў Крамля. Пагражае аж да пажыццёвага10
Каментары