Ціханоўская: Мазырскі НПЗ — наглядны і балючы прыклад таго, як памылкі Лукашэнкі руйнуюць эканоміку і дабрабыт беларусаў
Дэмакратычная лідарка пракаментавала ўключэнне Мазырскага НПЗ у 21‑ы пакет санкцый ЕС.
«Да 2022 года Украіна для гэтага прадпрыемства была галоўнай крыніцай прыбытку. Беларускі бензін і дызель займалі да 50% украінскага рынку. Але ўцягванне Беларусі ў вайну паставіла крыж на гэтым напрамку. А продаж паліва ў РФ, якое трапляе потым у расейскую армію, зрабіла Мазырскі НПЗ таксама і мэтай для ваеннага ўдару», — зазначыла яна.
«Уключэнне Мазырскага НПЗ у 21‑ы пакет санкцыяў Еўрасаюза — гэта прамы вынік дзеянняў рэжыму. Цяпер прадпрыемства не зможа набываць ніякага еўрапейскага абсталявання і выкарыстоўваць ліцэнзійны софт. Ужо некалькі гадоў як фінансавыя паказчыкі зрабілі таямніцай, але мы разумеем, што больш за 5000 работнікаў прадпрыемства адчуюць наступствы памылак рэжыму.
Самае страшнае ва ўсім гэтым — што за рашэнні рэжыму заўсёды плацяць звычайныя беларусы. Сёння гэта страчаныя заводы і рынкі, заўтра — рост цэнаў, мізэрныя заробкі і адсутнасць любой перспектывы», — падкрэсліла Святлана Ціханоўская.
-
«Беларусь — найлепшая краіна. Але трэба падрыхтавацца». Мужчына чысціў тэлефон, але яго з сям'ёй усё роўна затрымалі на мяжы
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
Цяпер чытаюць
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні21
Каментары