Топ-10 крымінальных артыкулаў, па якіх часцей за ўсё судзяць беларусаў
Наперадзе аліменты і крадзяжы. А пасля спажыванне наркотыкаў, крадзеж з картак… І справа Гаюна.
Вярхоўны суд Беларусі апублікаваў статыстыку сваёй працы за першае паўгоддзе 2026 года. Агулам па крымінальных справах было асуджана 12 676 чалавек.
Вось самыя папулярныя крымінальныя артыкулы з тых, што называюцца ў прэс-рэлізе:
- Аліменты (174 КК) — 2534 асуджаных
- Крадзеж (204 КК) — 2449 асуджаных
- Спажыванне наркотыкаў (ч. 1 арт. 328 КК) — 666 асуджаных
- Хуліганства (339 КК) — 585 асуджаных
- Крадзеж з картак (212 КК) — 490 асуджаных
- Распаўсюд наркотыкаў (ч. 2-5. арт. 328 КК) — 314 асуджаных
- Грабеж (206 КК) — 291 асуджаны
- Парушэнне правілаў дарожнага руху (317 КК) — 252 асуджаныя
- Наўмыснае прычыненне цяжкага пашкоджання (147 КК) — 193 чалавекі
- Атрыманне хабару (430 КК) — 150 асуджаных.
Вярхоўны суд не ўключыў у рэйтынг палітычныя артыкулы. Агулам жа за першае паўгоддзе ўступілі ў сілу прысуды амаль у 600 асуджаных за палітыку. З іх у 460 чалавек ёсць у абвінавачванні артыкул 361‑4 — «садзейнічанне экстрэмісцкай дзейнасці». Пераважна гэта справа Гаюна.
Аднак гэта не значыць, што іх усіх асудзілі менавіта ў першае паўгоддзе. Дакладны лік колькасці асуджаных будзе трошкі іншым, але сувымерным.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары