Увесь гэты час яна праляжала на мытным складзе.
Эстамп «Акрабат са скрыпкай» 1924 года быў знойдзены ўладамі французскага рэгіёна Франш-Кантэ, размешчанага каля мяжы са Швейцарыяй. Мытнікі канфіскавалі працу ў 2006 годзе: у перавозчыкаў не было дазволу на вываз твора мастацтва. Яны заплацілі буйны штраф і перадалі «Акрабата» дзяржаве, піша Bild.
На працягу дваццаці гадоў пра працу Марка Шагала ніхто не ўспамінаў — пакуль у 2024 годзе на пасаду не заступіла новая кіраўніца мытні Эстэль Раклен.
Яна захацела зноў зрабіць даступнымі для публікі творы, канфіскаваныя мытнікамі. Ведамства вырашыла перадаць працу ў дар, а не выстаўляць яе на аўкцыён.
Зараз твор Шагала экспануецца ў Музеі выяўленчых мастацтваў у Безансоне, хоць і не на пастаяннай аснове, бо папера вельмі адчувальная да святла.
Эксперты ацэньваюць кошт працы адносна невысока — у некалькі тысяч еўра. Гэтая сума блякне ў параўнанні з коштам жывапісных палотнаў майстра. Самай дарагой працай Шагала, прададзенай на аўкцыёне, стала карціна «Закаханыя» 1928 года: у 2017 годзе на таргах Sotheby’s яе прадалі за рэкордныя 28,5 мільёна даляраў.
Цяпер чытаюць
Памілаваныя 15 чалавек, сярод якіх 13 палітвязняў15
Каментары