У аварыі ў Батумі загінулі двое беларускіх турыстаў — 43‑гадовая жанчына і 63‑гадовы мужчына
МЗС Беларусі пацвердзіла гібель двух беларускіх турыстаў у грузінскім Батумі, паведамляе БелТА.
«У выніку ДТЗ загінулі двое турыстаў: жанчына 1983 года нараджэння і мужчына 1963 года нараджэння. Яшчэ 12 чалавек з траўмамі сярэдняй і лёгкай ступеняў цяжкасці былі дастаўленыя ў бальніцы», — паведамілі ў МЗС.
Раней пра ДТЗ са смяротным вынікам, якое адбылося зранку 25 ліпеня ў Батумі, паведамілі грузінскія СМІ. Паводле іх сведчанняў, сутыкнуліся аўтобус і легкавік. Ад моцнага ўдару мікрааўтобус перакуліўся, а легкавік рэзнуўся ў сцяну будынка Батумскага ўніверсітэта мастацтваў. У мікрааўтобусе знаходзілася турыстычная група — грамадзяне Беларусі.
«Мае дзеці павыляталі ў вокны з маршруткі. Жонка вылезла праз люк, а яе сяброўка ад удару загінула. Прыляцелі сёння на адпачынак, і трансфер развозіў іх па гатэлях», — цытуе падпісчык батумскага тэлеграм-канала словы аднаго з пацярпелых турыстаў.
Іншы падпісчык сцвярджае, што транфер турыстаў быў з аэрапорта ў Кутаісі.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары