Пасля серыі атак украінскіх беспілотнікаў на свае склады расійскі маркетплэйс Wildberries, як выглядае, прыбраў са свайго мабільнага дадатку раздзел «Усё для СВА», у якім прадаваліся тавары, што могуць выкарыстоўвацца расійскімі вайскоўцамі падчас вайны ва Украіне.
У сацыяльных сетках распаўсюджваюцца скрыншоты, якія сведчаць, што гэты раздзел больш не адлюстроўваецца ў дадатку. Выдаленыя і адпаведныя тэгі.
Раней у ім можна было знайсці тактычнае адзенне, элементы экіпіроўкі, рыштунак і іншыя тавары. Паводле самой кампаніі, асартымент налічваў дзясяткі тысяч пазіцый ад розных прадаўцоў.
Можна меркаваць, што выдаленне раздзела непасрэдна звязана з нядаўнімі атакамі на лагістычныя аб'екты Wildberries. Праўда, самі адпаведныя тавары, як адзначаецца, усё адно засталіся, проста іх прадаюць у звычайных, «мірных» раздзелах. Напрыклад, бронекамізэлькі прадаюць у раздзеле «Спорт», а FPV-дроны — у раздзеле «ТБ, Аўдыё, Фота, Відэатэхніка».
Украінскія беспілотнікі атакавалі склад Wildberries у Екацярынбургу
На складах Wildberries згарэлі рэчы вядомай беларускай дызайнеркі
«Яндэкс Маркет» і Ozon пасля ўдараў па складах Wildberries таксама знялі з сябе адказнасць за страты тавараў пры атаках
Украінскія дроны дашчэнту спалілі яшчэ два склады Wildberries у Расіі — чацвёрты і шосты па велічыні
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары