Стала вядома, за што будуць судзіць былога гендырэктара Гродзенскага мясакамбіната
Былога сенатара Алега Іванова абвінавачваюць у атрыманні хабару ў буйным і асабліва буйным памерах.
Паводле версіі следства, з ліпеня 2019 па май 2025 года топ-менеджар атрымаў ад пяці кампаній грошы і крыптавалюту на агульную суму 1,8 мільёна рублёў.
Незаконныя ўзнагароджанні пералічваліся на рахункі і кашалькі яго дачкі, якая не ведала пра злачыннае паходжанне сродкаў. За гэта дырэктар забяспечваў закупку харчовых дабавак у патрэбных пастаўшчыкоў.
Паводле генпракуратуры, Іваноў заключыў дасудовую дамову, цалкам кампенсаваў незаконны даход, расказаў пра іншыя злачынствы.
Да суда ён застаецца пад вартай.
Былога дырэктара Гродзенскага мясакамбіната звольнілі з пасады дырэктара прадпрыемства і датэрмінова прыбралі з сенатараў у кастрычніку мінулага года.
Алег Іваноў стаў шырока вядомым на постсавецкай прасторы дзякуючы артыкулу на канале «Гродна Плюс».
Рэзанансны матэрыял выйшаў пад загалоўкам «Сакрэтны інгрэдыент найлепшай каўбасы — людзі».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца6
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
😱