«Байсол» папярэджвае пра фэйкавы бот, які выдае сябе за службу эвакуацыі
Сілавікі стварылі фэйкавы бот для пасткі інфарматарам «Беларускага Гаюна», мяркуюць у «Байсол».
У Telegram з’явіўся падроблены бот, які выдае сябе за службу эвакуацыі фонду «Байсол» і абяцае тэрміновую дапамогу тым, хто дасылаў звесткі пра перамяшчэнне войскаў.
Ужо вядомыя выпадкі, калі падпіска на падроблены бот станавілася падставай для крымінальнага пераследу, папярэджвае «Байсол».
У апісанні бота гаворыцца, што ён «створаны для аператыўнай эвакуацыі грамадзян Рэспублікі Беларусь, якія адпраўлялі інфармацыю ў «Беларускі Гаюн» і асцерагаюцца за сваю бяспеку».
Насамрэч гэтая ініцыятыва створана спецслужбамі для ідэнтыфікацыі грамадзян і фабрыкавання крымінальных спраў, а падпіска на фэйкавы рэсурс ужо стала падставай для рэпрэсій, піша «Байсол».
Прадстаўнікі арганізацыі заяўляюць, што прынцыпова не выкарыстоўваюць боты для працы са зваротамі, і заклікаюць правяраць праўдзівыя кантакты выключна на іх афіцыйным сайце.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Навіна пра менавіта такі бот ужо выходзіла тады, якраз пасля зліва чата "Гаюна", 10.02.2025.
З чаго вынікае: хутчэй за ўсё, нехта ў BYSOL паўторна сустрэў той бот і забыў пра папярэднюю навіну.
Дрэннага не здарылася. Наадварот, лепш лішні раз нагадаць.
Аднак усё роўна ўражвае бяздумнасць СМІ. Усе перадрукавалі і ніхто не прыгадаў, што ўжо было, ніхто не шукаў кантэкст і перадгісторыю.
Сама логіка з’яўлення зараз сведчыла бы пра тое, што ідзе нейкая новая хваля, жадаюць "даграбці" яшчэ не затрыманых. Але тлумачэнне пра стары бот здымае гэтую версію.