Грузінскія дактары расказалі пра стан пацярпелых у аварыі беларусаў
Пасля жахлівай аварыі, якая адбылася ў Грузіі 12 жніўня, у бальніцы трапілі пятнаццаць пацярпелых беларусаў. Грузінскія медыкі расказалі пра іх стан.
Медыцынская дапамога беларусам аказваецца ў некалькіх клініках Грузіі. У бальніцы Азургеці і Чахатауры шпіталізаваныя яшчэ чацвёра пацярпелых. У Рэспубліканскай бальніцы Батумі знаходзяцца 11 чалавек. Двое пацыентаў шпіталізаваныя ў аддзяленне рэанімацыі. Пагрозы для іх жыцця няма.
«З шасцярых дзяцей стан аднаго першапачаткова быў цяжкім — у дзіцяці быў дыягнаставаны эпідуральны крывацёк у мозг. У сувязі з гэтым яно было экстранна змешчана ў аддзяленне рэанімацыі. Цяпер назіранне за яго станам вядзецца ў дынаміцы. На шчасце, хірургічнага ўмяшання не спатрэбілася.
Сёння стан усіх пацыентаў застаецца стабільным. Ні ў аднаго з іх няма парушэнняў жыццёва важных параметраў», — адзначыў Георгій Кікабідзэ з Батумскай бальніцы.
Па словах пасла Беларусі ў Грузіі Мікалая Рагашчука, выпіска першых пацыентаў верагодная ўжо з 14 жніўня.
Дарожна-транспартнае здарэнне з удзелам мікрааўтобуса, які перавозіў грамадзян Беларусі, адбылося 12 жніўня ў грузінскім рэгіёне Гурыя.
У мікрааўтобусе знаходзіліся 19 грамадзян Беларусі. Чатыры чалавекі загінулі, 15 атрымалі траўмы рознай ступені цяжкасці. Сярод пацярпелых — шасцёра непаўналетніх.
«Дрэва напалову бус зламала». Сталі вядомыя новыя падрабязнасці трагічнага здарэння з беларускімі турыстамі ў Грузіі
У Грузіі затрымалі кіроўцу мікрааўтобуса, у якім загінулі беларусы. Перад смяротным ДТЗ ён выскачыў з яго
У смяротным ДТЗ з беларусамі ў Грузіі 15 чалавек атрымалі траўмы, сярод іх — дзеці
У Грузіі ў аварыі загінулі чатыры беларусы
Той самы масажыст расказаў, навошта здымаў голых кліентак2
Каментары