Сустрэча адбылася ўчора ў Егіпце.
Спецпасланнік па Блізкім Усходзе і зяць прэзідэнта ЗША Джарэд Кушнер правёў перамовы з прадстаўнікамі палестынскай групоўкі ХАМАС, каб абмеркаваць рэалізацыю падтрыманага ЗША мірнага плана для сектара Газа, паведаміў Бі-бі-сі палесцінскі чыноўнік.
Паводле яго слоў, сустрэча адбылася ў нядзелю ў Егіпце, дэлегацыю ХАМАС узначальваў новы лідар групоўкі Халіль аль-Хая.
У ліпені «Рада міру» (Board of Peace), створаная з ініцыятывы Дональда Трампа, абвясціла пра дасягненне дамоўленасці аб «поўным раззбраенні» ХАМАС і іншых груповак у сектары Газа.
На мінулым тыдні Ізраіль адхіліў план Трампа, які складаецца з 15 пунктаў і прадугледжвае вывад ізраільскіх войскаў і аднаўленне сектара Газа пад кіраваннем новай цывільнай палесцінскай адміністрацыі.
Прэм'ер-міністр Ізраіля Біньямін Нетаньяху заявіў, што вывад ізраільскіх войскаў не адбудзецца да таго часу, пакуль ХАМАС не будзе «сапраўды раззброены».
У нядзелю восем блізкаўсходніх краін выступілі з заявай, у якой асудзілі адмову Ізраіля прыняць гэты план.
«Рада міру» Трампа першапачаткова стваралася для ўрэгулявання сітуацыі ў сектары Газа, але пазней пашырыла сферу сваёй дзейнасці і цяпер, як сцвярджаецца, займаецца канфліктамі ва ўсім свеце.
Перамовы Кушнера з лідарам групоўкі сталі першай сустрэчай такога ўзроўню з моманту заключэння летась пагаднення аб спыненні агню ў сектары Газа.
Паводле звестак, у перамовах таксама ўдзельнічалі кіраўнікі «Рады міру» — балгарскі дыпламат Мікалай Младэнаў і былы прэм'ер-міністр Вялікабрытаніі Тоні Блэр, а таксама прадстаўнікі Егіпта, Катара і Турцыі — краін, якія выступаюць пасярэднікамі ў мірным працэсе.
Афіцыйных заяў аб выніках перамоў зроблена не было; паведамляецца толькі, што яны былі прысвечаны мерам па раззбраенні ХАМАС, вывадзе ізраільскіх войскаў і пытаннях аказання гуманітарнай дапамогі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары