Мінабароны паказала нядбайных работнікаў АПК, якіх прызвалі на зборы
Яны служаць у адным са злучэнняў сіл спецыяльных аперацый.
Вайсковаабавязаныя з ліку нядобрасумленных спецыялістаў сельскагаспадарчых прадпрыемстваў, набраныя ў адно з злучэнняў сіл спецыяльных аперацый, адпрацоўваюць элементы тактычнай падрыхтоўкі на вайсковым палігоне, паведаміла Мінабароны.
«Падчас заняткаў яны пераадолелі псіхалагічную паласу, прайшлі абкатку баявымі машынамі БТР-70МБ1 і адпрацавалі эвакуацыю падраздзяленняў на бронетранспарцёрах у раён засяроджвання. Наперадзе — выкананне вучэбна-баявых задач на ўчастках дзяржаўнай мяжы», — зазначае Міанабароны.
У ліпені Лукашэнка прапанаваў адпраўляць нядбайных чыноўнікаў і работнікаў сельскай гаспадаркі на вайсковыя зборы. Пасля гэтага Мінабароны адправіла ваенкамаў інспектаваць сельгаспрадпрыемствы падчас жніва.
7 жніўня Лукашэнка падчас наведвання Вілейкі і раёна заявіў, што ў войска накіравалі каля 500 нядбайных чыноўнікаў і спецыялістаў. Ён прапанаваў прыцягнуць іх да работ на занядбаных сельскагаспадарчых землях Мінскай вобласці.
«Вазьміце гэтыя дзве батальённа-тактычныя групы, якія стварылі з нядбайных чыноўнікаў і спецыялістаў. Разумееце, пра што ідзе гаворка? Цяпер іх каля 500 чалавек. Я іх называю — дзве батальённа-тактычныя групы», — заявіў тады ён.
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары
А міністра абароны накіраваць у калгас на ўборку ўраджая.
Канечне, не на трактар. Бо пасада высокая, паважаная, вялікая выслуга гадоў . Таму не на трактар, а на самы вялікі і магутны ў калгасе камбайн.