Былі торт з «Оскарам» і зоркай з «Алеі славы».
Учора экс-палітвязню, што правёў пяць год у лукашэнкаўскіх засценках, споўнілася 48 гадоў. Прадстаўнікі дыяспары Каліфорніі, дзе зараз жыве грамадскі дзеяч, падарылі яму торт з «Оскарам», кінахлапушкай і зоркай з «Алеі славы».
Сяргей Ціханоўскі выйшаў на волю ў чэрвені 2025 года, нейкі час жыў у Вільні, а потым перабраўся ў ЗША. Там ён спачатку жыў з дзецьмі ў Маямі, а ўрэшце пераехаў у Лос-Анджэлес.
«Сёння ў Лос-Анджэлесе я вывучаю англійскую мову, рыхтуюся да паступлення ва ўніверсітэт, пішу кнігу і займаюся творчасцю. Я таксама ўдзячны ўсім, хто падтрымаў мяне пасля вызвалення. Адаптацыя да жыцця на волі — гэта няпростае выпрабаванне. Кожны новы дзень нагадвае мне, наколькі каштоўныя сям'я, свабода і магчымасць гаварыць праўду», — расказваў ён.
У пачатку жніўня Ціханоўскі прэзентаваў уласны ютуб-канал, дзе выкладвае свае вершы і казкі, напісаныя ў зняволенні.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары