Хуткаснае чыгуначнае злучэнне дазволіць даехаць з Мінска да аэрапорта за 30 хвілін
Агульная працягласць участка — 41 км, з іх новым будзе 31 км.
Хуткаснае пасажырскае чыгуначнае злучэнне дазволіць даехаць з Мінска да Нацыянальнага аэрапорта Мінск за 30 хвілін. Пра гэта журналістам паведаміў першы намеснік начальніка пасажырскай службы ўпраўлення Беларускай чыгункі Канстанцін Баяр, піша БелТА.
Злучэнне плануецца арганізаваць па маршруце Мінск — Гарадзішча — Кітайска-беларускі індустрыяльны парк «Вялікі камень» — Нацыянальны аэрапорт Мінск.
Агульная працягласць участка — 41 км, з іх новым будзе 31 км.
Цяпер рэалізуецца першая чарга будаўніцтва. Праект выконваецца ў адпаведнасці з дзяржаўнай праграмай «Транспарт Беларусі» на 2026—2030 гады.
Як адзначыў Канстанцін Баяр, праект мае важнае значэнне для Мінска і краіны ў цэлым, чакаецца павелічэнне пасажырапатоку.
«Мы плануем каля 20 пар цягнікоў у суткі паміж Мінскам і аэрапортам. Праект прадугледжвае высокую хуткасць перамяшчэння. Арыентыровачны разліковы час у дарозе складае 30 хвілін. На гэтым напрамку будзе курсіраваць новы рухомы састаў з палепшанымі спажывецкімі якасцямі і характарыстыкамі», — сказаў ён.
Канстанцін Баяр таксама распавёў пра запланаваныя прыпынкі.
«Мы прадугледжваем прыпынак Мінск-Усходні, які будзе звязаны з метрапалітэнам. Плануецца прыпынак у «Вялікім камені», бо мы павінны забяспечыць транспартную сувязь не толькі з аэрапортам, але і з лагістычнымі цэнтрамі», — адзначыў ён.
Раней паведамлялася, што чыгунка будзе пабудавана да 2028 года.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію3
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі44
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі4
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары