У ЗША падлеткі амаль паўгадзіны правіселі ўніз галавой на паламаным атракцыёне
Дзве дзяўчыны-падлеткі атрымалі па 275 тысяч даляраў кампенсацыі пасля таго, як падчас аварыі на атракцыёне ў амерыканскім Портлендзе каля 25 хвілін правіселі ўніз галавой, піша Bild.
Інцыдэнт адбыўся 14 чэрвеня 2024 года ў парку Oaks Amusement Park. Атракцыён AtmosFEAR нечакана спыніўся ў перакуленым становішчы. У гэты момант на ім знаходзіліся 28 чалавек.
Дзяўчатам тады было 13 і 14 гадоў. У судзе яны расказалі, што адчувалі цяжкасці з дыханнем і баяліся, што фіксатары могуць адкрыцца і яны ўпадуць прыкладна з 30‑метровай вышыні. Адна з пацярпелых таксама згадвала, што бачыла слёзы на тварах іншых пасажыраў атракцыёна, а некаторых людзей пачало ванітаваць.
Паводле інфармацыі амерыканскіх СМІ, у супрацоўнікаў парку не было гатовага плана дзеянняў на выпадак такой аварыі. Спачатку ім давялося тэлефанаваць па інструкцыі, а затым чакаць прыезду пажарнікаў і спецыяльнага абсталявання.
Пасля здарэння дзяўчыны скардзіліся на начныя кашмары і праблемы са сном. Дакладную прычыну няспраўнасці атракцыёна дагэтуль не ўстанавілі. Аднак цяпер яго абсталявалі сістэмай, якая ў выпадку паломкі аўтаматычна вяртае канструкцыю ў зыходнае становішча.
У мінскім парку імя Уга Чавеса з'явіцца адкрытая лядовая арэна
У цэнтры Брэста паставяць гіганцкія вагі з незвычайнымі адзінкамі вымярэння
У мінскім парку Чавеса два дні будзе працаваць зіплайн — рэч са спускам на шалёнай хуткасці
Атракцыён «Вежа свабоднага падзення», які гучна чмыхнуў падчас працы, адправілі на рамонт
Каментары
Віселі 28, атрымалі толькі дзьве, як так?