У Брэсце рыбак дамогся доступу да возера, але пасля гэтага жыхарам выпісалі 20 прадпісанняў
У мікрараёне Гершоны ў Брэсце ўзнік канфлікт вакол доступу да мясцовага возера. Рыбак Дзмітрый апублікаваў у тыктоку відэа, на якім паказаў агароджу з калючым дротам, што перашкаджала падысці да вады. Ролік набраў больш за 325 тысяч праглядаў і прыцягнуў увагу камунальных службаў, піша выданне Domovita.by.
Пасля гэтага на месца прыехала камісія і выдала жыхарам каля 20 прадпісанняў. Улады патлумачылі, што землі пад воднымі аб’ектамі з’яўляюцца дзяржаўнымі, таму доступ да іх павінен быць свабодным. Пірсы, масткі і агароджы, зробленыя без адпаведных дазволаў, прызналі самавольнымі пабудовамі.
Жыхары ўжо самастойна разабралі восем пірсаў. Яшчэ адзін пірс на вуліцы Чарнігаўскай павінны знесці да 15 верасня. Легалізаваць яго таксама нельга, бо ён знаходзіцца ў водаахоўнай зоне.
Аднак частка мясцовых жыхароў лічыць такое рашэнне несправядлівым. Яны сцвярджаюць, што гадамі за ўласныя грошы прыбіралі смецце, касілі траву, чысцілі вадаём і будавалі бяспечныя масткі, якімі карысталіся і суседскія дзеці. Некаторыя таксама маюць лодкі і катамараны, для якіх неабходны бяспечны спуск да вады.
Паводле ўладаў, цяпер выканана каля 90% выдадзеных прадпісанняў. У выніку доступ да возера для рыбакоў аднавілі, але жыхары, якія раней самі даглядалі бераг, спрабуюць знайсці законныя магчымасці захаваць хоць некаторыя свае пабудовы.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць2
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары