У Літве памежнікі затрымалі кантрабандыста на электраскутары, ён вёз беларускія цыгарэты
Літоўскія памежнікі затрымалі 31‑гадовага мясцовага жыхара, які спрабаваў правезці па лясной дарозе тысячу пачкаў беларускіх цыгарэт. Кантрабанду ён пагрузіў на электраскутар, які праз цяжар выглядаў, паводле памежнікаў, «вельмі стомленым».
Мужчыну спынілі ў панядзелак непадалёк ад мяжы з Беларуссю. Ён ехаў на электраскутары і вёз два вялікія скруткі, абгорнутыя поліэтыленавай плёнкай.
Унутры памежнікі знайшлі тысячу пачкаў цыгарэт NZ Gold з беларускімі акцызнымі маркамі. Іх кошт з улікам падаткаў, якія трэба было б заплаціць у Літве, ацанілі ў 5510 еўра.
Затрыманы ужо неаднаразова атрымліваў пакаранні за незаконнае захоўванне і перавозку падакцызных тавараў. Паколькі ён паўторна трапіўся на такім парушэнні, цяпер яму пагражае штраф ад 5760 да 6000 еўра — больш за кошт саміх цыгарэт, паведаміла Служба аховы дзяржаўнай мяжы Літвы.
Электраскутар і цыгарэты часова канфіскавалі.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17
Каментары