У Расіі верталёт з прапагандыстамі і членам ЦВК жорстка сеў проста на аўтадарогу ВІДЭА
Мі-8 з супрацоўнікамі расійскіх дзяржаўных тэлеканалаў і прадстаўніком выбарчай камісіі рэзка пачаў губляць вышыню пры падлёце да аэрадрома на Сахаліне. Пілот пасадзіў машыну на дарогу, пасля чаго яна з'ехала ў кювет.
Верталёт вяртаўся з мыса Цярпення, дзе прадстаўнік выбарчай камісіі забяспечваў датэрміновае галасаванне жыхароў цяжкадаступных тэрыторый на выбарах у Дзярждуму Расіі, паведамляюць расійскія каналы.
На борце знаходзіліся восем чалавек: трое членаў экіпажа, супрацоўнік Сахалінскай абласной выбарчай камісіі і чацвёра карэспандэнтаў з дзяржаўных тэлеканалаў.
Пры падлёце да аэрадрома «Сокал» верталёт пачаў імкліва губляць вышыню. Пілот здолеў пасадзіць яго на трасу прыкладна за кіламетр ад аэрадрома. Пасля прызямлення машына з’ехала ў кювет.
Пасажыры і члены экіпажа атрымалі ўдары і драпіны. На дарозе ніхто не пацярпеў.
Для арганізацыі галасавання ў аддаленых раёнах верталёт выдзеліла Міністэрства абароны Расіі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
[Зрэдагавана]