Нямецкі бундэсвер уначы 2 верасня паспяхова выпрабаваў балістычную ракету Lora ізраільскай кампаніі Israel Aerospace Industries. Запуск адбыўся ў паўночнай частцы Атлантычнага акіяна. Гэта ракета здольная паражаць цэлі на адлегласці да 430 кіламетраў, паведамляе Deutsche Welle.
Калі Германія прыме рашэнне аб закупцы Lora, яна стане першай балістычнай ракетай на ўзбраенні бундэсвера. У ВМС краіны выпрабаванне назвалі важным крокам для ўмацавання абароны Германіі і яе саюзнікаў.
Выпрабаванні прайшлі на фоне росту занепакоенасці ў Германіі магчымымі пагрозамі з боку Расіі. У Берліне таксама заявілі пра планы ўзмацняць свае ўзброеныя сілы дальнабойнымі сістэмамі.
Цяпер бундэсвер мае каля 600 крылатых ракет Taurus з дальнасцю больш за 500 кіламетраў. У адрозненне ад іх, балістычныя ракеты ляцяць па іншай траекторыі і развіваюць значна большую хуткасць.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы7
Каментары