Мінская кавярня «Ван Гог» абвясціла незвычайную акцыю, прапанаваўшы кліентам прынесці кабачок, а ўзамен атрымаць бясплатны капучына або амерыкана памеру S.
Карыстальнікі цікавіліся, ці можна прынесці патысон, ці будзе кава на кабачковым малацэ, ці можна прыйсці са сваёй кавай і абмяняць яе на кабачок. Хтосьці вырашыў, што «тарыф выгадны», бо кабачок у краме каштуе 4 рублі, а кава — 5—12 рублёў, піша Onliner.by.
Жарты жартамі, але кавярню цяпер можна называць «Ван Кабачок» — ва ўстанову ўжо прынеслі каля 50 кг гародніны.
Арт-менеджар прасторы Лія распавяла, што падобную акцыю ў кавярні праводзяць упершыню. Ідэя належыць заснавальніку, хоць супрацоўнікі спачатку крыху сумняваліся: па чутках, ураджай сёлета не надта вялікі.
А на самой справе кошыкі з восеньскай гароднінай у кавярні не паспяваюць апаражняць.
— Толькі адвернешся — зноў поўны. Яны, не інакш, размнажаюцца пачкаваннем, — з усмешкай дзеліцца Лія. — Ужо і іншыя кавярні падхапілі ідэю — напрыклад, прымаюць гарбузы.
Увесь сабраны з 1 верасня ўраджай захоўваецца ў сухім прахалодным месцы.
Стаў вядомы адказ на самае частае пытанне наведвальнікаў кавярні: што ж будзе з кабачкамі. Учора стартавала бясплатная раздача пірага з восеньскай гародніны.
— У чатыры рукі перапрацавалі каля 10—12 кг кабачкоў. На гэта пайшло каля пяці гадзін, — расказвае пра тое, як прайшла ноч, дырэктар установы Паліна. — Атрымалася 5 салодкіх пірагоў, 4 несалодкія і 2 каструлі аладак. Спадзяёмся, хопіць усім ахвотным.
Цяпер чытаюць
З псіхбальніцы збег былы начальнік Ганцавіцкай міліцыі16
Каментары
А про кабачки....Не каждый рецепт прокатит с ними, чаще их ростят для подарка)) и часто передаривают.