За гібель 18‑гадовага работніка магілёўскага атракцыёна будуць судзіць дырэктарку
Следчы камітэт завяршыў расследаванне трагедыі, якая адбылася 1 мая ў парку атракцыёнаў у Магілёве. У гібелі 18‑гадовага стажора, які працаваў на атракцыёне «Сальта», абвінавацілі 25‑гадовую загадчыцу парку.
Падчас працы хлопца ўдарыла карусель. Ён атрымаў цяжкую траўму галавы і памёр на месцы.
Як паведамілі ў Следчым камітэце, загінулы працаваў без працоўнай або грамадзянска-прававой дамовы. Ён таксама не праходзіў медыцынскі агляд, інструктаж па прамысловай бяспецы, навучанне і стажыроўку.
Следства лічыць, што менавіта гэтыя парушэнні сталі адной з прычын няшчаснага выпадку. Пасля чарговага цыклу атракцыёна стажор выпускаў пасажыраў, але, насуперак патрабаванням тэхнікі бяспекі, не зафіксаваў карусель. У выніку балансір пачаў рухацца і ўдарыў хлопца па галаве.
Адказнай за трагедыю следства лічыць загадчыцу парку. Паводле Следчага камітэта, менавіта яна самастойна дапусціла 18‑гадовага хлопца да працы, хоць неабходных працэдур перад гэтым ён не прайшоў.
Жанчыне выстаўлена абвінавачанне паводле часткі 2 артыкула 306 Крымінальнага кодэкса — парушэнне службовай асобай, адказнай за выкананне правіл тэхнікі бяспекі і аховы працы, якое з неасцярожнасці прывяло да смерці чалавека. Цяпер абвінавачаная знаходзіцца пад падпіскай аб нявыездзе.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары