Грамадства3939

Яўген Каравулаў з КР: «Мне прапанавалі супрацоўнічаць з КДБ. І я сказаў «так»

Яўген Каравулаў, які нядаўна прэтэндаваў на пасаду сакратара Каардынацыйнай рады, напісаў пра тое, што ўжо тры месяцы КДБ тэрарызуе яго сям'ю ў Беларусі, і падрабязна распісаў, як гэбісты спрабавалі ўцягнуць у сваю арбіту і яго самога.

Яўген Каравулаў. Фота: facebook.com/JauhienKaraulau

25 чэрвеня Каравулаву патэлефанавалі з бабулінага тэлефона, але замест яе на сувязі быў мужчына, які прадставіўся Жэнем і сказаў: «Ты ж ведаеш, хто мы».

Перад гэтым у сваякоў Каравулава ўжо неаднаразова праводзілі вобшукі, а аднойчы нават даслалі з невядомага нумару здымак з мінскай кватэры. Але такая форма камунікацыі са спецслужбамі Лукашэнкі была для яго новая.

Па словах мужчыны, ён адразу напісаў у сваю фракцыю КР «Наступ» і праваабаронцам, яму параілі паціху заканчваць размову, але гэбіст пагрозамі на адрас родных прымусіў яе працягваць. Размова доўжылася каля 45 хвілін, «найбольш іх цікавіла Каардынацыйная Рада: як яна працуе і чым займаецца». Але Каравулаў, па ягоных словах, не сказаў нічога больш, чым можна знайсці ў інтэрнэце.

«У нейкі момант мне прапанавалі супрацоўнічаць з КДБ. Спачатку я адказаў «угу», але ад мяне патрабавалі адназначнага адказу, і пад ціскам, баючыся за сямʼю, я сказаў «так». Яшчэ мне загадалі анікому пра гэтую размову не расказваць, але ўжо было позна».

І толькі пасля таго, як гэбісты ўзялі ў Каравулава нумар для сувязі і запатрабавалі код з СМС для ўваходу ў тэлеграм-акаўнт:

«Гэта мяне працверазіла. Коду я не атрымаў, так і сказаў, дадаў, што анічога перадаваць не збіраюся, і паклаў слухаўку».

Пасля таго Яўгену яшчэ пісалі з тэлефону маці і патрабавалі неадкладна выйсці на сувязь, але «я заблакаваў іх акаўнты, і больш са мной аніхто не кантактаваў».

Пазней ягоным сваякам не давалі спакою: прыходзілі на працу і дахаты, забіралі тэхніку, маці два разы цягалі на допыты і «прасілі перадаць мне, што хочуць «проста паразмаўляць».

«А сёння раніцай патэлефанавалі з бабулінага тэлефону. Я зноў адразу заблакаваў. Сказалі, што заўтра ўвечары зноў прыйдуць і забяруць тэлефон, каб «проста паразмаўляць», — дзеліцца Каравулаў.

А напрыканцы дае ўсім параду:

«Калі вам тэлефануюць з КДБ, у тым ліку з нумароў вашых родных, не ўступайце ў размову. Адразу блакуйце, бо, калі пачняце гаварыць, яны ўжо не адчэпяцца. І адразу пішыце праваабаронцам, яны дапамогуць».

Каментары39

  • Ааа
    16.09.2026
    Гэта той самы Караулаў, які казаў што Харысава трапіла ў аварыю сама, а не яе збіла машына, і ажна што Харысава прыходзіла ў каментары на Еўрарадыё, абвяргала там гэта. Ну дзіўная гісторыя. Гэта той самы чалавек які адкрыта, не хаваючы кпіў з Харысавай у прамым эфіры на Еўрарадыё. І гэтых людзей падтрымлівае Еўразвяз. Сорам.
  • Цікава
    16.09.2026
    а калі б выбралі сакратаром, ці прызнаўся бы?
  • Наступны Наступ
    16.09.2026
    [Рэд. выдалена]

    [Зрэдагавана]

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць