Свет33

Мерц: СПА — самае слабое месца Украіны, але мы шукаем рашэнні

Федэральны канцлер Германіі Фрыдрых Мерц заявіў, што Германія разам з партнёрамі шукае магчымасці для ўзмацнення супрацьпаветранай абароны Украіны. Паводле яго слоў, менавіта СПА цяпер з'яўляецца самым слабым месцам украінскай абароны, піша Deutsche Welle.

Фрыдрых Мерц. Фота: AP Photo/Matthias Schrader

На брыфінгу ў Берліне 29 верасня Мерц паведаміў, што ў асабістых размовах з кіраўнікамі розных дзяржаў і ўрадаў спрабуе дамагчыся дадатковых паставак сродкаў супрацьпаветранай абароны для Украіны. Ён падкрэсліў, што важна падрыхтаваць краіну да будучай зімы, у тым ліку з пункту гледжання забеспячэння энергасістэмы.

Паводле слоў нямецкага канцлера, Германія і іншыя еўрапейскія краіны таксама інтэнсіўна кансультуюцца наконт далейшай дапамогі Украіне напярэдадні пасяджэння Еўрапейскай рады, якое запланавана на 15—16 кастрычніка ў Бруселі. Абмяркоўваецца канкрэтная падтрымка ўкраінскага бюджэту і выкарыстанне ўсіх магчымасцяў для ўзмацнення СПА.

Мерц заявіў, што не варта мець ілюзій адносна далейшага развіцця вайны. Паводле яго слоў, Расія будзе працягваць атакі на цывільную інфраструктуру Украіны. Канцлер назваў такія дзеянні ваеннымі злачынствамі і падкрэсліў, што Германія працягне падтрымліваць Украіну, паколькі лічыць яе часткай Еўропы.

Ён таксама заявіў, што зрабіў бы ўсё магчымае, каб дапамагчы Украіне перажыць, найхутчэй, вельмі цяжкую зіму.

Акрамя таго, Мерц пракаментаваў сустрэчу міністраў замежных спраў Германіі і Расіі, якая адбылася 26 верасня ў Нью-Ёрку. Па яго словах, далейшыя заявы расійскага боку сведчаць пра тое, што Масква пакуль не зацікаўленая ў сур'ёзных і канструктыўных перамовах аб спыненні вайны ва Украіне.

Каментары3

  • Што ж гэта
    29.09.2026
    Самае слабае месца Украіны гэта не СПА, а тое, з-за чаго бягуць за Цісу ці ў СЗЧ, хоць у пачатку вайны стаялі чэргамі ў ваенкаматы
  • Вось што гэта
    30.09.2026
    Што ж гэта, не турбуйся, фронт стаіць там, дзе і стаяў год таму. А наконт сзч - у любой краіне заўсёды ё пэўны % тых, хто не гатоў ваяваяць. Вось ты напрыклад, толькі і можаш што з канапы страчыць каменты, а акрамя лыжкі болей ніякай зброі мабыць у руках і не трымаў.
  • Што ж гэта
    06.10.2026
    Вось што гэта, зброю трымаў, не турбуйся. У тым праблема і ёсць, што фронт у цэлым стаіць (хоць туды-сюды соўваецца), а не рухаецца да межаў-91, як ва ўкраінцаў яшчэ гарэлі вочы ў 2023-м. Пры гэтым большая частка вайсковаабавязаных не стала на ўлік. 6 млн мужыкоў ва Ўкраіне не хочуць ваяваць - вось сапраўдная праблема, а не СПА

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць