З 1 кастрычніка ў Беларусі адкрываецца сезон палявання на рысяў. Ён працягнецца да 31 студзеня 2027 года.
Паляванне на рысяў было забаронена ў краіне каля 40 гадоў. Заканадаўства дазволіла яго з 2025 года ў сувязі з ростам колькасці рысяў у асобных рэгіёнах. Пры гэтым рысі, як і мядзведзі, маюць у Беларусі двайны прыродаахоўны статус: яны адначасова лічыцца паляўнічымі жывёламі і ўваходзяць у Чырвоную кнігу Беларусі. Таму забіваць рысяў можна толькі на асобных тэрыторыях.
Паляванне будзе дазволена ў 21 паляўнічай гаспадарцы ў чатырох абласцях. У Віцебскай вобласці такіх гаспадарак чатыры, у Гомельскай — 13, у Гродзенскай — адна, у Мінскай — тры.
Дазваляецца здабываць рысяў незалежна ад полу і ўзросту. Паляванне праводзіцца са стрэльбай з засады або падыходу, на працягу светлавога дня і ў прысутнасці кіраўніка палявання. Можна выкарыстоўваць як наразную, так і гладкаствольную зброю з патронамі, падрыхтаванымі куляй або карцеччу. Таксама дазволена браць паляўнічых сабак, пароды якіх вызначае карыстальнік паляўнічых угоддзяў.
Кошт дазволу на здабычу адной рысі ў гэтым годзе складзе 200 рублёў незалежна ад яе полу і ўзросту. Для індывідуальнага палявання дадаткова спатрэбіцца пуцёўка. Для членаў Беларускага таварыства паляўнічых і рыбаловаў яна каштуе 20 рублёў, для астатніх паляўнічых — 40 рублёў.
Калі паляванне на рысяў праводзіцца ў межах паляўнічага тура, кошт дазволу вызначае сама паляўнічая гаспадарка. Аднак ён не можа перавышаць 700 рублёў.
Летась, калі ўпершыню знялі забарону на гэта паляванне, асаблівага энтузіязму сярод паляўнічых не назіралася. Планавалася забіць 57 рысяў, але застрэлілі толькі шэсць жывёлін — крыху больш за 10% ад дазволенай колькасці. Старшыня Беларускага таварыства паляўнічых і рыбаловаў Ігар Шуневіч тады назваў вынік «поўным правалам сезона». Што будзе ў гэтым сезоне — пакажа час.
Шуневіч: Адзіная мэта дазволу палявання на мядзведзяў і рысяў — даць больш свабоды паляўнічым у выбары трафеяў
Шуневіч: Першы сезон палявання на рысяў скончыўся поўным правалам
Арганізацыя, якой кіруе Шуневіч, пахвалілася чарговым забойствам — чырванакніжнай рысі
«Вам вельмі пашанцавала». Заолаг растлумачыў, ці небяспечныя для чалавека сустрэчы з рыссю
Харызматычны драпежнік нашых лясоў. Таямніцы беларускай рысі
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос3
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары