Кубракоў заявіў, што наркадылеры перакідваюць наркотыкі з Польшчы ў Беларусь з дапамогай метэазондаў
Потым, па словах міністра ўнутраных спраў, наркотыкі пастаўляюцца ў Расію.
Кіраўнік МУС Іван Кубракоў на пасяджэнні Рады міністраў унутраных спраў краін СНД расказаў пра выкарыстанне метэазондаў, а менавіта пра тое, што з іх дапамогай наркадылеры перакідваюць наркотыкі з Польшчы ў Беларусь для транзіту ў Расію, паведамляе прэс-служба МУС.
«Сёлета мы сутыкнуліся з новым спосабам незаконнага перамяшчэння буйных партый праз заходнія рубяжы нашай краіны — з выкарыстаннем паветраных метэазондаў, абсталяваных сістэмамі геалакацыі і мабільнай сувязі. Выяўлены неаднаразовыя выпадкі іх транспарціроўкі з Польшчы з мэтай далейшага транзіту ў Расійскую Федэрацыю», — распавёў Кубракоў.
Паводле яго слоў, у Гродзенскай вобласці канфіскавана больш за 142 кг наркатычных рэчываў, якія трапілі ў Беларусь з дапамогай метэазондаў.
Каментары
Ўсю расейскую шушару належыць вычысціць з МУС каленым залезам разам з Кубраковым, ўсімі яго замамі і кіраўнікамі.