У Германіі ўшчэнт п'яны малады беларус-бяспраўнік збіў матацыкліста і ўцёк
2,5 праміле алкаголю — гэта сур'ёзна.
У нядзелю, 4 кастрычніка, каля 17:40 на дарозе L1162 паміж Барталамэ і Гойбахам у федэральнай зямлі Бадэн-Вюртэмберг (Германія) адбылася аварыя, у якой цяжка пацярпеў матацыкліст. Пра гэта паведамляе нямецкая паліцыя.
Паводле паліцыі, 25‑гадовы беларус на BMW ехаў у бок Гойбаха і хацеў абагнаць 21‑гадовага матацыкліста, але ўрэзаўся ў яго. Матацыкліст на Triumph з'ехаў з дарогі, упаў і атрымаў цяжкія траўмы.
Беларус не спыніўся і ўцёк з месца здарэння.
Паліцыя знайшла яго дзякуючы паведамленню сведкі: мужчыну затрымалі недалёка ад яго дома. Тэст паказаў у яго каля 2,5 праміле алкаголю. Высветлілася таксама, што правоў кіроўцы ў яго няма.
Хуткая дапамога адвезла цяжка траўмаванага матацыкліста ў бальніцу. Шкоду ад аварыі паліцыя ацэньвае прыкладна ў 15 тысяч еўра.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары