«Я б на хаду выскачыла». Па Мінску ездзіла машына са змяёй на капоце
Беларуска паказала незвычайнага пасажыра, які падарожнічаў па сталіцы на капоце аўтамабіля. Відэа менш чым за суткі набрала амаль 700 тысяч праглядаў.
Аўтарка апублікавала ў TikTok кароткі ролік: на капоце машыны едзе вуж, якога можна пазнаць па светлых плямах за галавой. Амаль усё яго цела звонку, а хвост хаваецца недзе пад капотам.
Пад відэа сабралася каля паўтары тысячы каментароў.
«Я б аддала ёй тачку і пайшла пешшу, ну як пайшла… пабегла».
«Я б хуткую ўжо выклікала».
«Ляяя, а калі яна назад палезе… Я б на хаду выскачыла».
«Машына ўжо б на «Ав бай» стаяла».
Іншыя паставіліся да нечаканага пасажыра больш гасцінна і з гумара.
«Рамень генератара зляцеў».
«Добрая супрацьугонная сігналізацыя».
«Вуж выклікаў таксі… Давязіце да суседняга лесу, не бачыце, што ён мігруе».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары