Народнае апалчэнне павінна размяшчацца ў пэўных вёсках сельсавета.
У Беларусі неабходна пашыраць сетку атрадаў народнага апалчэння. Пра гэта Аляксандр Лукашэнка заявіў у Верхнядзвінскім раёне падчас наведвання вучэбна-трэніровачных заняткаў аднаго з такіх атрадаў, піша БелТА.
Народнае апалчэнне павінна размяшчацца ў пэўных вёсках сельсавета, адзначыў ён.
«У вас адно падраздзяленне, добрае падраздзяленне. Але гэтага мала. І трэба нам пашырацца. Трэба недзе яшчэ ствараць такія базавыя атрады. Яны павінны быць звязаныя паміж сабой», — сказаў ён.
Аляксандр Лукашэнка нагадаў, што раней даручыў кіраўніку Беларускага таварыства паляўнічых і рыбаловаў Ігару Шуневічу залучаць у народнае апалчэнне людзей, якія ўмеюць абыходзіцца са зброяй.
Палітык адзначыў, што народнае апалчэнне неабходнае для таго, каб людзі ў выпадку ваеннага часу маглі абараніць сябе, сваю сям’ю і свой населены пункт.
«Гэта на самым нізавым узроўні народнае апалчэнне. Далей — тэрытарыяльная абарона, абарона інфраструктурных аб’ектаў. Народнае апалчэнне, тэрытарыяльная абарона, а наверсе — войска. Натуральна, уся гэтая структура пад камандаваннем прэзідэнта», — заявіў Лукашэнка.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары