Грамадства2929

«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»

Яўген Жарыкаў служыў афіцэрам у Мар'інай Горцы, але нядаўна яго асудзілі за «здраду дзяржаве» і кінулі за краты на гіганцкі тэрмін. У сацсетках малады афіцэр пісаў па-беларуску і асуджаў расійскі імперыялізм.

Яўген Жарыкаў. Фота «Вясны»

Яўгену Жарыкаву 23 гады. Ён нарадзіўся і вырас у Бабруйску, дзе ў 2020 годзе скончыў сярэднюю школу №6. Пасля заканчэння вайсковай навучальнай установы хлопец атрымаў афіцэрскае званне і трапіў па размеркаванні ў Мар’іну Горку — у 5‑ю асобную брыгаду спецыяльнага прызначэння.

У сацсетках Яўген пісаў па-беларуску. Для афіцэра сучаснага спецназа гэта нячастая з’ява.

Хлопец адзначаў, што піша на беларускай мове «па інтуіцыі», і радаваўся мажлівасці размаўляць на ёй ужывую: «Дарэчы я сёння ўпершыню за доўгі час паразмаўляў па-беларуску… афігеў ад таго, што нічога не забыў амаль». Пры гэтым ён іранізаваў з моўнага пурызму: «Калі і так зразумела, што літаратурная мова ніколі не ўжываецца ў размове… навошта сварыцца, хто як піша і размаўляе».

Яўген Жарыкаў на выпускным. Фота: komkurs.info

У сваіх допісах афіцэр адкрыта фармуляваў жыццёвую пазіцыю: «Я люблю Беларусь» і «Беларусь перадусім».

Ён востра крытыкаваў расійскі імперыялізм, асуджаў ваенную агрэсію Расіі супраць Украіны і разумеў пагрозу русіфікацыі:

«Беларуская культура будзе развівацца толькі пры падтрымцы дзяржавы. Ва ўмовах глабалізацыі і напору рускіх, якім мала таго, што мы саюзнікі, сама па сабе мова не вывезе».

Пры гэтым ён асуджаў рэпрэсіі, згадваючы пра «стук у хату, затрыманне, бутэльку» і зачыстку каналаў супрацоўнікамі ГУБАЗіК.

Па-за службай малады афіцэр захапляўся сілавым спортам і бегам (перадольваў 3 км за 12 хвілін і 20 секунд), слухаў пост-панк і гурт Brutto, цікавіўся гісторыяй, анімэ і камп'ютарнымі гульнямі. Таксама хлопец вывучаў замежныя мовы. 

Невядома, што менавіта стала прычынай пераследу Яўгена, бо справа разглядалася ў закрытым рэжыме. Супрацоўнікі КДБ затрымалі яго яшчэ ў лютым 2025 года.

Суд адбыўся ў маі 2026 года ў Мінскім абласным судзе паводле ч. 2 арт. 356 Крымінальнага кодэкса («здрада дзяржаве, здзейсненая службовай асобай або вайскоўцам»). Хлопцу прызначылі 19 гадоў калоніі і штраф памерам 500 базавых велічынь (22 500 рублёў). У верасні яго этапавалі ў калонію, але актуальнае месцазнаходжанне палітвязня невядома.

«Наша Нiва» — бастыён беларушчыны

ПАДТРЫМАЦЬ

Каментары29

  • Чавус
    20.10.2026
    І ў чым яго "здрада дзяржаве"? І якой дзяржаве?
  • Ну
    20.10.2026
    Нажаль, у цяперашні час "Беларусь перадусім" дастаткова для крымінальнай справы "за здраду дзяржаве".
  • БЕРАСЦЬ
    20.10.2026
    Нямала-такі нармальных людзей у сілавых структурах. Каб хутчэй надышоў момант, каб яны маглі сябе праявіць

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сэрца — амаль адзіны орган, які не хварэе на рак. Навукоўцы пачынаюць разумець чаму1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай31

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць