Кірыл Маскевіч стаў двухразовым чэмпіёнам свету па грэка-рымскай барацьбе
Беларускі барэц заваяваў золата ў вагавой катэгорыі да 97 кілаграмаў на чэмпіянаце свету ў Астане. У фінале 26 кастрычніка ён перамог расіяніна Артура Саргсяна з лікам 7:1.
28‑гадовы ўраджэнец Барысава ўзяў рэванш за паразу на сёлетнім чэмпіянаце Еўропы: тады ў паядынку за бронзу мацнейшым быў Саргсян.
Для Маскевіча гэта другі тытул чэмпіёна свету, але ўпершыню ён атрымаў золата непасрэдна на спаборніцтвах. У 2021 годзе беларус прайграў фінал прадстаўніку Сербіі Зурабу Датунашвілі. Пазней суперніка дыскваліфікавалі за парушэнне антыдопінгавых правілаў, і залаты медаль перайшоў Маскевічу.
«Сёння я ўпершыню стаў на найвышэйшую прыступку п’едэстала», — сказаў спартовец пасля перамогі. Летась на чэмпіянаце свету ў Заграбе ён заваяваў бронзу.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары