Вайсковец, якога ўпершыню эвакуявалі з баявой пазіцыі дронам, стаў Героем Украіны
Вайсковец 30‑й асобнай механізаванай брыгады Канстанцін Уласенка правёў 491 дзень на пазіцыі каля Сінькоўкі ў Харкаўскай вобласці. На працягу 232 дзён ён заставаўся там адзін, нягледзячы на цяжкае раненне.
У лютым расійскія войскі знішчылі пазіцыю, якую абараняў Уласенка. Падчас адступлення ён атрымаў цяжкія раненні абедзвюх ног. З-за гангрэны вайсковец страціў адну ступню, а другую быў вымушаны ампутаваць самастойна. Нягледзячы на гэта, ён працягваў сачыць за дзеяннямі праціўніка і перадаваць інфармацыю сваім пабрацімам.
Пасля некалькіх няўдалых спробаў эвакуацыі 4 кастрычніка Уласенку ўдалося вывезці з дапамогай цяжкага гексакоптара «Аюдаг-6», спецыяльна прыстасаванага для транспартавання чалавека.
Цяпер 49‑гадовы вайсковец знаходзіцца ў Львове, дзе пройдзе пратэзаванне і рэабілітацыю.
Прэзідэнт Украіны Уладзімір Зяленскі падпісаў указ, згодна з якім Канстанціну Уласенку прысвоена званне Героя Украіны.
Адрэзаў сабе ступню нажом для тушонкі і працягваў ваяваць. Гісторыя ўкраінца, якога эвакуявалі беспілотнікам пасля 491 дня на пазіцыі
Камандзір роты сам паехаў на пікапе пад агнём, каб выратаваць цяжкапараненых байцоў. Ён стаў Героем Украіны
Украінскі марпех у расійскім палоне пераказаў сукамернікам усе сем кніг «Гары Потэра». Ён ведаў кнігі на памяць
Жонка загінулага беларускага добраахвотніка патрабуе змяніць закон пра званне «Герой Украіны», якім нельга ўзнагародзіць замежнікаў
Каментары