Свет11

У Крамлі заявілі, што будуць далей ваяваць дзеля «міру на стагоддзі»

Крэмль не пагаджаецца на часовае спыненне агню ва Украіне, бо гэта дало б украінскаму боку магчымасць аднавіцца пасля шкоды, нанесенай расійскім войскам. Пра гэта заявіў прэс-сакратар прэзідэнта Расіі Дзмітрый Пяскоў.

Дзмітрый Пяскоў і Уладзімір Пуцін. Фота: Contributor / Getty Images

«Мы не дамо кіеўскаму рэжыму кроку, які дазволіў бы яму залячыць раны, сур’ёзныя раны, якія мы яму наносім», — сказаў ён, адказваючы 16 лістапада на пытанні журналістаў.

Па словах Пяскова, Масква праз перамовы імкнецца дасягнуць доўгатэрміновага міру. Ён падкрэсліў, што Расія не хоча часовага перамір’я, а разлічвае на мірнае пагадненне, якое забяспечыць стабільнасць на многія гады і нават стагоддзі. Таму, заявіў прадстаўнік Крамля, вайна цяпер працягваецца, а перамоўны працэс павінен у выніку прывесці да такога міру.

Пяскоў таксама адзначыў, што мірнае ўрэгуляванне, з пункту гледжання Масквы, патрабуе працяглага часу і складаецца з вялікай колькасці дэталяў, кожная з якіх мае значэнне. Паводле яго слоў, праца над гэтым працягваецца.

Каментуючы начную атаку Украіны на Крымскі мост, прадстаўнік Крамля заявіў, што пераправа атрымала «нязначныя пашкоджанні». Спецыялісты, паводле яго слоў, працягваюць ацэньваць іх маштаб, але рух па мосце не спынены.

Раней выданне Mash сцвярджала, што пасля ўдару беспілотніка па правай арцы моста з боку Крыма канструкцыя візуальна адхілілася прыкладна на 15 градусаў. Улады анексаванага Крыма папярэджвалі пра абмежаванне руху транспарту па пераправе прыблізна да сярэдзіны дня.

Нягледзячы на ўдар па мосце і заяву Міністэрства абароны Расіі пра рэкордную колькасць збітых за ноч украінскіх беспілотнікаў, Пяскоў назваў працу расійскай сістэмы супрацьпаветранай абароны эфектыўнай. Ён прызнаў, што ніводная сістэма ў свеце не можа цалкам гарантаваць абарону ад масаваных удараў па розных аб’ектах, але заявіў, што эфектыўнасць расійскай СПА нібыта застаецца вельмі высокай. Таксама ён пахваліў працу расійскіх вайскоўцаў і разлікаў супрацьпаветранай абароны.

Каментары1

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць