Спорт

Вызначаны склад кошыкаў перад лёсаваннем Еўра-2028

Мы ў адным кошыку з Эстоніяй, Фарэрамі, Кіпрам, Балгарыяй, Казахстанам, Латвіяй, Сан-Марына.

Матч адкрыцця Еўра-2028 пройдзе 9 чэрвеня 2028 года ў Кардыфе (Уэльс). Фота: Matthew Horwood — UEFA/UEFA via Getty Images

Пасля сканчэння групавога этапу футбольнай Лігі нацый вызначыўся склад усіх кошыкаў напярэдадні лёсавання чэмпіянату Еўропы — 2028, якое пройдзе 6 снежня ў Белфасце.

Зборная Беларусі трапіла ў чацвёрты кошык (самыя слабыя зборныя ў пятым).

Кошык 1: Англія, Партугалія, Францыя, Германія, Іспанія, Бельгія, Нідэрланды, Данія, Грэцыя, Італія, Нарвегія, Харватыя.

Кошык 2: Уэльс, Сербія, Турцыя, Чэхія, Швейцарыя, Швецыя, Аўстрыя, Венгрыя, Паўночная Ірландыя, Славенія, Боснія і Герцагавіна, Ірландыя.

Кошык 3: Шатландыя, Косава, Украіна, Польшча, Ізраіль, Румынія, Грузія, Паўночная Македонія, Чарнагорыя, Албанія, Ісландыя, Славакія.

Кошык 4: Эстонія, Беларусь, Фарэрскія астравы, Кіпр, Фінляндыя, Малдова, Арменія, Балгарыя, Казахстан, Люксембург, Латвія, Сан-Марына.

Кошык 5: Мальта, Азербайджан, Літва, Андора, Гібралтар, Ліхтэнштэйн.

У пяты кошык трапілі зборныя, якія выступалі ў дывізіёне D Лігі нацый.

Для адбору на Еўра-2028 будзе сфармавана 12 груп (6 па 4 зборныя, 6 па 5 зборных).

Беларусь атрымае ў супернікі па камандзе з кожнага кошыку, апроч зборных з чацвёртага.

Усе 12 пераможцаў груп непасрэдна выйдуць у фінальную частку чэмпіянату Еўропы. Другое месца: 8 найлепшых зборных з 12 таксама непасрэдна кваліфікуюцца на турнір, астатнія чатыры атрымаюць магчымасць згуляць у стыкавых матчах.

Адборачны турнір пачнецца ў сакавіку. Беларусь зноў будзе гуляць хатнія паядынкі на нейтральным полі, і гэта сумна.

Еўра-2028 пройдзе ў Вялікабрытаніі і Ірландыі, але зборныя Англіі, Уэльса, Шатландыі і Ірландыі не атрымалі аўтаматычных пуцёвак на першынство. Яны будуць удзельнічаць у адборачных гульнях на агульных умовах, але трапяць у розныя групы. 

Калі краіны-гаспадыні кваліфікуюцца напрамую, дадатковыя месцы ім не спатрэбяцца.

Калі камусьці з іх не ўдасца прайсці адбор, дзве спецыяльныя пуцёўкі атрымаюць дзве найлепшыя паводле рэйтынгу зборныя краін-гаспадынь, якія не кваліфікаваліся непасрэдна.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць