З Масквы. Блог Алеся Чайчыца5050

Пра фемінізм

Фемінізм імкнецца не да раўнапраўя жанчын і мужчын, а да разбурэння нармалёвых для жыццяздольнага чалавечага грамадства гендэрных роляў.

Нядаўна распаліў жорсткую дыскусію пра фемінізм на «Новай Эўропе»:

«

Жанчына і мужчына — гэта інь і янь, дзве ўзаемадапаўняльныя часткі адзінага цэлага, дзве раўнапраўныя супрацьлегласці ў адзінстве. Адрозненне паміж мужчынамі і жанчынамі закладзенае самою прыродаю. Жанчыны нараджаюць дзяцей, а мужчыны — не нараджаюць. Мужчына стварае семя, якое жанчына выношвае і нараджае новае жыццё — гэта сакральная і ўсяленская схема існавання абсалютнай большасці жывых істотаў, вакол якой будавалася і светаўспрыняцце чалавека.

Маці-зямля і бацька-неба, у хрысціянстве яны прынялі вобраз Дзевы Марыі, якая нараджае Езуса ад Святога Духа, што сыходзіць ад Бога-айца. Тэзіс — антытэзіс — сінтэз, плюс на мінус — замыканне.

Ад глыбокай старажытнасці на гэтай падставе склаліся агульныя сацыяльныя ролі жанчыны як выхавацелькі дзяцей, мужчыны — як здабывальніка ежы для сям’і. Гэта натуральна, і ў гэтым няма нічога абразлівага ні для жанчын, ні для мужчынаў.

Абразлівае і несправядлівае — гэта калі жанчынам на гэтай падставе адмаўляюць у грамадзянскіх правах і калі іх гвалтоўна выключаюць з грамадскага жыцця, але змаганне з гэтаю з’яваю, [на інстытуцыянальным узроўне] ужо амаль пераможанай у нашай краіне, не мае сэнсу ператвараць у валюнтарысцкае выкарчоўванне традыцыйных гендэрных роляў. Як і барацьбу за свабоду веравызнання і аддзяленне царквы ад дзяржавы не трэба было ператвараць у руйнаванне цэркваў.

Мужчыны і жанчыны — розныя. Яны часта маюць розныя звычкі, розныя інтарэсы, розную ментальнасць, часам нават адрозны рацыён. Склалося так праз шматтысячагадовае выхаванне, ці пад гэтым ёсць і натуральныя чыннікі — не так важна. Важна, што так ёсць і што пераважнай большасці з гэтым камфортна.

»

(чытаць цалкам)

***

Дадам:

Фемінізм імкнецца не да раўнапраўя жанчын і мужчын, а да разбурэння нармалёвых для жыццяздольнага чалавечага грамадства гендэрных роляў.

У выпадку з традыцыйнымі гендэрнымі ролямі варта казаць не проста пра стагоддзі іхнага існавання, але пра тысячагоддзі ці нават пра амаль усю гісторыю чалавецтва, калі яны заставаліся збольшага нязменнымі.

Насупраць гэтага,

штучна і па-валюнтарысцку створаныя сацыяльныя канструкцыі мы бачылі ў дзеянні ў Нямеччыне 1930-х, Кітае 1960-х. Самае прыкрае, мы самі былі аб’ектам такога інжынернага эксперымента на працягу большай часткі ўсяго мінулага стагоддзя.
Усе гэтыя рацыяналістычныя пражэкты даказалі сваю нежыццездольнасць, не кажучы пра тое, што ў чалавечай гісторыі такая рацыяналізацыя заўжды была суправаджэннем заняпада той ці іншай чалавечай супольнасці, пра што напісаў яшчэ Шпэнглер сто гадоў таму.

І сучасны

дэструктыўны фемінізм, з яго ўтапічнай мэтай сцерці адрозненні паміж мужчынскім і жаночым, і ёсць квінтэсенцыяй гэтай абсурднай рацыянальнасці.
Больш за гэта, гвалтоўны перадзел традыцыйных роляў у грамадстве магчымы выключна праз інструмент сацыяльнай дзяржавы, праз гэты штучны дзяржаўны «кастыль», які ў рэшце рэшт ставіць грамадства і сістэму стымулаў з ног на галаву.

Лішне казаць, што з катэгорыяй асабістай свабоды (і, калі хочаце, класічным лібералізмам) такая пастаноўка пытання не мае нічога агульнага.

У гэткай дыскусіі даводзіцца яшчэ і яшчэ раз паўтараць: я за магчымасць для ўсіх людзей незалежна ад пола рабіць якую заўгодна кар’еру, я проста супраць таго, каб штучна імкнуцца да парытэта 50 на 50 абсалютна паўсюль. То бок, я супраць разбурэння гэтых роляў, я за змягчэнне іх межаў для жадаючых. Тое, што ў тых ці іншых прафесіях дамінуюць прадстаўнікі таго ці іншага пола (ці таго ці іншага этнасу і г.д.) зусім не абавязкова сведчыць пра дыскрымінацыю.

Хіба не так?

Каментары50

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць