Гэта ўкраінец Уладзімір Катрук, што займаўся ў Квэбэку развядзеннем пчол.
Уладам Канады ўдалося знайсці аднаго самых шуканых нацысцкіх злачынцаў, што хаваліся ад правасуддзя, піша ў пятніцу "Таронта стар".
91-гадовы пчаляр Уладзімір Катрук (Vladimir Katriuk) займае чацвёртае месца ў спісе Цэнтра Сімона Візенталя -- арганізацыі, якая займаецца пошукам нацысцкіх злачынцаў па ўсім свеце.
Па дадзеных нядаўна знойдзеных архіўных дакументаў, Катрук быў датычны да забойства жыхароў вёскі Хатынь у сакавіку 1943 г. Салдаты сагналі жыхароў у хлеў і падпалілі яго. У дакуменце гаворыцца,
што «задача Катрука была ў тым, каб расстрэльваць тых, хто спрабаваў выбегчы з хлява і выратавацца ад агню».
Ураджэнец Украіны Уладзімір Катрук эміграваў у Канаду ў 1951 годзе. Яго ўжо спрабавалі пазбавіць канадскага грамадзянства ў сувязі з падазрэннямі ў яго сувязях з нацыстамі, рашэнне было перагледжана з-за недахопу доказаў. Прымаючы пад увагу новыя абставіны справы, урад можа вынесці пастанову аб яго дэпартацыі з Канады.
Сам Катрук адмаўляе датычнасць да якіх-небудзь злачынстваў, але ў той жа час адмаўляецца казаць пра сваё мінулае.
Катрук жыў у Омстаўне (Omnstown) у правінцыі Квэбэк, дзе меў ферму, на якой гадаваў пчолаў.
Цяпер чытаюць
«Кайлас, я іду». Што за беларуска знікла ў жудасным селі ў Непале12
Каментары