Hramadstva

Dziady-2013. Anłajn

U niadzielu, 3 listapada, u Minsku prajšło tradycyjnaje šeście i mitynh u Kurapatach pamiaci prodkaŭ, zahinułych padčas balšavickaha teroru. U im udzielničali kala 500 čałaviek.

Čakajcie nieŭzabavie na nn.by vynikovyja fota- i videarepartažy karespandentaŭ «NN».

14:50

Pa čarzie vystupili Jury Papkoŭ i Aleś Čacholski. Udzielniki šeścia praśpiavali «Mahutny Boža». Mitynh kala miemaryjalnaha kamienia na hetym skončyŭsia.

Udzielniki šeścia ŭstloŭvajuć pryniesienyja z saboj va ŭročyšča kryžy.

14:30

U Kurapatach adbyvajecca mitynh kala miemaryjalnaha kamienia. Adkazny sakratar KCHP-BNF Valery Bujvał čytaje zvarot lidara partyi Zianona Paźniaka.

14:12

Udzielniki šeścia nabližajucca da Kurapataŭ. Žałobny mitynh pačniecca ŭ 14:30.

14:05

Šeście nabližajecca da MKAD.

U časie ruchu kałony ŭdzielnikaŭ šeścia ŭ Kurapaty adbyŭsia incydent, paviedamlaje BiełaPAN. Kali kałona prachodziła pa vulicy Karbyšava, niekalki niećviarozych maładych ludziej pačali hučna abražać udzielnikaŭ akcyi, vykazvać svaju niazhodu z apazicyjaj.

Pry hetym jany kryčali, što «braty-słavianie pavinny być razam z Ukrainaj, Rasijaj i Juhasłavijaj». Niekalki stałych udzielnikaŭ šeścia ŭstupili ŭ dyskusiju z maładymi ludźmi. Incydent zaviaršyŭsia biez nastupstvaŭ praź niekalki chvilin.

U toj ža čas šmatlikija minaki vykazvajuć salidarnaść z udzielnikami akcyi, dziakujuć za toje, što tyja adznačajuć pamiatnuju datu, aŭtamabili, što jeduć mima, sihnalać, adznačaje karespandent ahienctva.

13:50

Udzielniki šeścia minuli Łahojski trakt. Ciapier kałona idzie pa vulicy Mirašničenki. 

13:30

Aktyvisty KCHP-BNF nahadali pra jubilej Frontu raściažkaj «25 hadoŭ Biełaruskamu narodnamu frontu — 19.10.1988—19.10.2013»

13:05

Demanstranty iduć pa vulicy Karbyšava. Moładź niasie čornuju raściažku z nadpisam «Małady front», demanstrujučy jaje kiroŭcam aŭto, što jeduć pobač.

12:30

Šeście prachodzić pa vulicy Kalinoŭskaha paŭz carkvu Usich Śviatych.

12:00

Kałona nabližajecca da budynka Nacyjanalnaj biblijateki.

11:45

Udzielniki šeścia niasuć z saboj novyja kryžy. Niekatoryja kiroŭcy vitajuć kałonu demanstrantaŭ sihnałami aŭto.

11:25

Šeście rušyła ŭ bok Kurapataŭ. U im prymajuć udzieł niekalki sotniaŭ čałaviek. Ludzi niasuć dziasiatki ściahoŭ i transparanty. Demanstranty śpiavajuć «Pahoniu».

11:05

Ad arhanizataraŭ na miescy zboru prysutničiuć namieśnik staršyni KCHP-BNF Jury Bieleńki i sakratar partyi Valery Bujvał.

Siarod udzielnikaŭ šeścia zaŭvažanyja lidary Partyi BNF Alaksiej Janukievič i Ryhor Kastusioŭ, adzin z sustaršyniaŭ «Maładoha frontu» Źmicier Daškievič.

***

10:50

Na miescy zboru kala sotni čałaviek.

Udzielniki šeścia trymajuć bieł-čyrvona-biełyja ściahi, partyjnuju simvoliku, viadomyja pa minułym akcyjam transparanty i raściažki.

***

Šeście, zajaŭnikam jakoha vystupaje Kansiervatyŭna-chryścijanskaj partyja — BNF, dazvolena ŭładami.

Zbor udzielnikaŭ a 10:30 kala Hadzińnikavaha zavoda (st. mietro «Park Čaluskincaŭ»). Z 11:00 da 14:30 — šeście.

Udzielniki projduć pa tradycyjnym maršrucie ad minskaha parku Čaluskincaŭ praśpiektam Niezaležnaści, vulicami Kalinoŭskaha, Siadych, Karbyšava, Hamarnika i Mirašničenki. Ludzi buduć nieści bieł-čyrvona-biełyja ściahi i kryžy, jakija ŭstalujuć u Kurapatach, a taksama śviečki i kvietki.

Ad 30 kastryčnika 1988 hoda [pieršy raz adznačeńnie było ŭ 1987 h.] tradycyjny dzień paminańnia niabožčykaŭ — Dziady — nabyŭ charaktar hramadska-palityčnaj padziei.

U minuły paniadziełak historyk Ihar Kuźniacoŭ nazvaŭ kolkaść represavanych stalinistami ŭ Biełarusi ŭ 1930-1940-ja hady. Represavana było ad 1,4 da 1,625 młn čałaviek (u pačatku 1990-ch hučała ličba - 600 tys.),

rasstralana było nie mienš za 377 tys. Bolšaja ich častka źniščanyja ŭ Minsku i vakolicach.

Kamientary da artykuła