Rasijskija akupanty ŭziali šturmam vajennuju častku ŭ Bielbieku
22.03.2014 / 21:28
Rasijskija vojski šturmavali ŭkrainskuju vajskovuju častku ŭ Bielbieku paśla taho, jak ukrainskija sałdaty admovilisia pakinuć terytoryju bazy.
Pra heta paviedamiŭ kiraŭnik krymskaha miedyjacentra Ministerstva abarony Ukrainy Uładzisłaŭ Sielaźnioŭ u svaim Facebook.
«17.00 šturm Bielbieka. Padčas šturmu na terytoryju vajskovaj častki prarvalisia pradstaŭniki samaabarony Krymu. Varoty ŭ častku prałomlenyja z dapamohaj BTRa. Krynicy śćviardžajuć, što padčas šturmu byli čutnyja streły, u šturmie zadziejničana nie mienš za 6 adzinak BTR-80. Dadzienyja ab paciarpiełych praviarajucca», — havorycca ŭ paviedamleńni.
Ukrainskija vajennyja byli vymušanyja pakinuć terytoryju častki.
Jak paviedamlałasia, rasijskaja armija vyłučyła ukrainskim vajskoŭcam ŭ Bielbieku ŭltymatum: zdacca ci budzie šturm.