Rasijskaja armija abviaściła ŭkrainskim vajskoŭcam u Bielbieku čarhovy ultymatum: zdacca albo budzie šturm.
Pra heta paviedamiŭ kiraŭnik miedyja-centra Minabarony Ukrainy ŭ Krymie Uładzisłaŭ Sielaźnioŭ u Facebook.
«Krynicy ź Bielbieka paviedamlajuć ab čarhovym ultymatumie: zdacca ci budzie šturm. Čakajuć vyniki rašeńnia pa telefonie na praciahu 15 chvilin», — adznačyŭ Sielaźnioŭ.
Akramia taho, hetuju infarmacyju paćvierdziła žurnalistka Natalla Siedleckaja. «Akupanty akružyli aeradrom Bielbiek. Pastavili našym ultymatum — nie vyjduć biez zbroi, pačniecca šturm», — napisała jana ŭ Twitter.
Jak paviedamlaje «Ukrainskaja praŭda», užo prahučała pieršaja bajavaja sirena z boku rasijskaj armii, źjavilisia snajpiery.
Pa słovach žurnalistki Miryjam Drahinaj, kamandujučy vajskovaj častki Julij Mamčur zaklikaŭ svaich vajennych zastavacca viernymi prysiazie. Pa infarmacyi ŚMI, va ŭkrainskaj častcy mała zbroi — staraja zienitki, try hruzaviki i adzin aŭtamat na piaciarych. Taksama paviedamlajecca, što ŭ čas pierahavoraŭ Mamčura z pradstaŭnikom rasijan, kamandujučy ŭkrainskaj častki skazaŭ jamu, što zahadu zdavacca nie było, i ŭsie vajennyja zastajucca na svaich miescach. Razam z tym rasijski vajenny zajaviŭ: «Tvajo kiraŭnictva daloka, a ludziej pakładzieš ty», — paviedamiła žurnalistka.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary