Кнігі адразу двух беларускіх аўтараў трапілі ў лонг-ліст прэстыжнай расійскай прэміі
21.04.2020 / 16:37
Саша Філіпенка, фота Надзеі Бужан
Рускамоўнае выданне рамана «Ноч» Віктара Марціновіча і кніга Сашы Філіпенкі «Вяртанне ў Астрог» трапіілі ў лонг-ліст расійскай прэміі «Вялікая кніга».
«Вялікая кніга» — літаратурная прэмія за найлепшы празаічны твор на рускай мове, якая была заснавана ў 2005 годзе. Згодна з палажэннем, штогод прысуджаецца тры прэміі. Першая прэмія — 3 мільёны расійскіх рублёў (на сёння каля 40 тысяч даляраў), другая — паўтара мільёны расійскіх рублёў (каля 20 тысяч даляраў), трэцяя — мільён рублёў (13,3 тысячы).
Год таму ў шорт-ліст траплялі «Сабакі Еўропы» Альгерда Бахарэвіча.