Andrej Makarevič, Parfionaŭ, Šaŭčuk, Volski, Dudzinski pračytajuć usłych raman biełaruskaha piśmieńnika
17.07.2020 / 10:26
Saša Filipienka. Fota Nadziei Bužan
Andrej Makarevič, Andruś Takindanh, Leanid Parfionaŭ, Naviband, Lavon Volski, Dzima Naryškin, Viera Pałazkova, Kaciaryna Rajeckaja, Dzianis Dudzinski, Uładzimir Ščerbań, Juryj Šaŭčuk i mnohija inšyja akciory, muzyki, žurnalisty i piśmieńniki ŭsłych pračytajuć knihu biełaruskaha piśmieńnika Sašy Filipienki «Były syn» u ramkach litaraturnaha YouTube-prajekta «Salidarnyja čytańni», paviedamlaje Interfaks.
«Pryvitańnie, siońnia mnie 36. Piatnaccać hadoŭ tamu, adčuŭšy siabie byłym synam, ja pakinuŭ rodny horad i adpraviŭsia ŭ padarožža, jakoje, spadziajusia, adnojčy skončycca ŭ Minsku. Pramiežkavym vynikam hetaha šlachu staŭ moj pieršy raman «Były syn», a vynikam pracy apošniaha miesiaca — voś heta videa», - napisaŭ u fejsbuku Filipienka.
Prajekt startuje 19 lipienia. Z hetaj daty pa 2 žniŭnia 30 viadomych ludziej ź Biełarusi, Rasii i Ukrainy buduć štodnia čytać pa 2 uryŭki z ramana.